Milli Kitabxana

2005-ci ildən Milli Kitabxanada Elektron kataloqun tərtibinə başlanmışdır və milli ədəbiyya-ta dair təsvir məlumat bazası-na daxil edilir.

Kitabxanada oxucu sorğuları-nın müxtəlifliyi ilə əlaqədar olaraq: Ümumi oxu zalı, Sahəvi elmi zallar, Dövri mətbuat, Not-musiqi, Xarici ədəbiyyat zalları oxucuların xidmətindədir.

2000-ci ildən fəaliyyət göstə-rən İNTERNET zalda oxucu-ların Beynəlxalq İNTERNET şəbəkəsinə qoşulmaq imkanı yarandı.

Azərbaycan Arxivi şöbəsində və Nadir kitablar bölməsində qədim tariximizin müxtəlif döv-rlərini əks etdirən nadir və qiymətli nəşrlər, miniatür kitab-lar kolleksiyası saxlanılır.

Kütləvi tədbirlər, sərgilər, se-minar və konfranslar, kitab təqdimatları, yazıçı və elm adamları ilə görüşlər oxucu-llara xidmət işində, ədəbiy-yatın təbliğində mühüm rol oynayır.

"Kitabxana xalq, millət üçün, cəmiyyət üçün müqəddəs bir yer, mənəviyyat, bilik, zəka mənbəyidir" H.Ə.Əliyev

OXUCULARIN NƏZƏRİNƏ!

Milli Kitabxananın 2-ci mərtəbəsində (oxu zalının nəzdində) "Elektron İnformasiya xidməti və KAA (kitabxanalararası abonement) " şöbəsi açılmışdır. Bu şöbədə virtual sifariş, elektron kitabxana, elektron kataloq, internet xidmətindən istifadə edə bilərsiniz. Milli Kitabxanada olmayan kitabların, dissertasiyaların Rusiya Dövlət Kitabxanasından elektron variantını (sifariş pulludur) da sifariş verə bilərsiniz.

* * *

Milli Kitabxananın Humanitar elmlər zalında (III mərtəbə) Azərbaycan və rus dillərində Azərbaycan Respublikasının qanunvericiliyi üzrə onlayn məlumat bazası təqdim olunur.

Bu bazanı www.qanun.info – (Azərbaycan dilində) və www.consulting.minimax.az – (rus dilində) internet səhifəsinə daxil olmaqla əldə etmək olar.

. 27 avqust 2010-cu il tarixində Milli Kitabxanada Ə.Hacızadənin 75 illik yubileyinə həsr olunmuş kitab sərgisi açılmışdır. Görkəmli yazıçının öz əsərləri və onun haqqında dövri mətbuatda çap olunan materiallar sərgilənmişdir.

25 avqust 2010-cu il tarixində Xalq şairi F.Qocanın 75 illik yubileyinə həsr olunmuş geniş sərgi təşkil olunmuşdur. Şairin əsərlərindən və şeirlərindən ibarət 40-a yaxın kitab və 48 dövri mətbuat materialları bir həftə ərzində sərgilənmişdir.

16 avqust 2010-cu il tarixində Xalq şairi B.Vahabzadənin 85 illik yubileyinə həsr olunmuş geniş sərgi təşkil olunmuşdur. Şairin əsərlərindən ibarət geniş sərgi şairin həyat və fəaliyyətini əks etdirmiş, oxucuların marağına səbəb olmuşdur.

İyul ayının 13-də saat 11⁰⁰-da M.F.Axundov adına Azərbaycan Milli Kitabxanasında tanınmış şair-dramaturq, prezident təqaüdçüsü Ramiq Muxtarın yaradıcılığına həsr edilmiş ədəbi məclis keçirilmişdir. Tədbirdə şairin şeirləri və sözlərinə yazılmış mahnılar da səsləndirilmişdir.

10 iyul 2010-cu il tarixində görkəmli Azərbaycan şairi, ictimai xadim S.Ə.Şirvaninin 175 illik yubileyinə həsr olunmuş sərgi təşkil olunmuşdur. Bir həftə davam edən sərgidə şairin əsərlərindən ibarət kitab və dövri mətbuat materialları nümayiş olunmuşdur.

09 iyul 2010-cu il tarixində Mədəniyyət və Turizm Nazirliyinin təşkilatçılığı ilə M.F.Axundov adına Milli Kitabxanada Azərbaycan milli mətbuatının 135 illiyinə həsr olunmuş tədbir keçirilmişdir. Tədbirdə Azərbaycan Mədəniyyət və Turizm Naziri Əbülfəs Qarayev mətbuat işçilərini təbrik etmiş və bir qrup jurnalistə Mədəniyyət və Turizm Nazirliyi ilə fəal əməkdaşlığa görə nazirliyin fəxri fərmanlarını və mükafatlarını təqdim etmişdir.

Tədbirdə həmçinin “Mədəniyyət” qəzetinin bu ilin mart-iyun aylarında keçirdiyi “Mədəniyyət mövzusunda ən yaxşı jurnalist işi” müsabiqəsinin nəticələri açıqlanmışdır. Qaliblərə diplomlar və mükafatlar təqdim edilmişdir.

Tədbirin sonunda iştirakçılar “Azərbaycan Mətbuatı - 135” adlı geniş kitab sərgisi və eyni adda məlumat bazası ilə tanış oldular.

İyun ayının 12-də saat 12⁰⁰-da M.F.Axundov adına Milli Kitabxanada 15 iyun Milli Qurtuluş Günü münasibətilə geniş kitab sərgisi keçirilmişdir. Sərgidə 300-ə yaxın ulu öndərin həyat və yaradıcılığını, siyasi fəaliyyətini əks etdirən kitablar sərgilənmişdir.

21 may 2010-cu il tarixində Milli Kitabxanada Milli Kitabxana və Azərbaycan Respublikası Mədəniyyət və Turizm Nazirliyi ilə birgə BDU-nun nəşri olan, əməkdar elm xadimi, tarix elmləri doktoru, professor Abuzər Xələfovun baş redaktorluğu ilə çap olunan “Kitabxanaşünaslıq və informasiya” elmi-nəzəri və təcrübi jurnalının təqdimat mərasimi keçirilmişdir.

20 may 2010-cu il tarixində saat 12⁰⁰-da M.F.Axundov adına Milli Kitabxanada M.F.Axundov adına Milli Kitabxana və Türkmənistanın Azərbaycandakı səfirliyi ilə birgə görkəmli türkmən şairi Məxtumqulunun həyat və yaradıcılığına həsr olunmuş kitab sərgisinin açılışı və türkmən şairlərinin iştirakı ilə dəyirmi masa keçirilmişdir.

2010-cu il mayın 8-də saat 12⁰⁰-da M.F.Axundov adına Milli Kitabxanada Şuşanın işğalının anım gününə həsr edilmiş “Şuşa həsrəti” adlı kitab sərgisinin açılışı və “Şuşa Azərbaycanın mədəniyyət və tarix incisidir” adlı elmi konfrans keçirilmişdir.

07 may 2010-cu il tarixində saat 12⁰⁰-da Ümummilli lider Heydər Əliyevin anadan olmasının 87-ci ildönümünə həsr olunmuş “Ulu öndər Heydər Əliyev - 87” adlı kitab sərgisinin açılışı və “Heydər Əliyev. Azərbaycan Mədəniyyətinin Hamisi” filminin nümayiş mərasimi keçirilmişdir.

6 may 2010-cu il tarixində M.F.Axundov adına Milli Kitabxanada Azərbaycan Birliyinin Tənqid və publisistika seksiyası Yeni Yazarlar və Sənətçilər Qurumu ilə birgə “Rəsul Rza ənənələri və çağdaş ədəbi proses” elmi-nəzəri konfransı keçirildi.

6 may 2010-cu il tarixində saat 12⁰⁰-da M.F.Axundov adına Milli Kitabxanada Böyük Vətən müharibəsinin 65 illiyinə həsr edilmiş “Qələbə - 65” adlı kitab sərgisinin açılışı və M.F.Axundov adına Milli Kitabxananın əməkdaşları tərəfindən tərtib edilmiş “Azərbaycan aviatorları Böyük Vətən müharibəsi illərində” adlı biblioqrafik göstəricinin təqdimat mərasimi keçiriləcəkdir.