Azərbaycanda yasayan rus rəssamlarının sərgisi

35 təsviri sənət ustasının 70-dən çox əsəri təqdim olunub

Xatırladaq ki, bu il Azərbaycanda Rusiya ili kimi qeyd olunur. Vəcihə Səmədova adına sərgi salonunda Azərbaycanda yaşayan rus rəssamlarının əsərlərindən ibarət sərginin açılışı da bu məqsədlə təşkil olunub.

Nümayiş olunan rəsm əsərlərində Azərbaycanın mədəniyyəti, folkloru, adət-ənənələri, tarixi məkanları, təbiəti öz əksini tapıb. Sərgiyə 35 rəssamın tətbiqi sənət, dekorativ və rəngkarlıq janrlarında yaratdığı 70-dən çox əsər çıxarılıb. Rusiyanın ölkəmizdəki səfırliyinin və Azərbaycan Rəssamlar İttifaqının təşkilatçılığı ilə keçirilən sərgi iyunun 13-nə kimi davam etdiriləcək. İttifaqın sədri, xalq rəssamı Fərhad Xəlilov Azərbaycan-Rusiya mədəni əlaqələrinin inkişafmdan damşarkən bunları qeyd etdi: "Ölkələrimiz arasındakı bu əlaqələrin daha da genişlənməsi üçün belə tədbirlərin davamlı keçirilməsi zəruridir. Mən bu cür sərgilərin təşkilini çox əhəmiyyətli hadisə hesab edir və yüksək qiymətləndirirəm. Sərgiyə qatılmış rəssamların əsərlərində ölkəmizin ən dəyərli cəhətləri, görməli yerlərinin əks olunması onların dəyərini bir qədər də artırır. İnanıram ki, təşkil olunan bu sərgi maraqla qarşılanacaq".

Qeyd edək ki, sərgidə Pavel Kuzmenko, İnna Kostina, Lyubov Buxarova, Tatyana Ağababayeva kimi rəssamların əsərləri tamaşaçıların ixtiyarına verilib.

Azərbaycanda Rusiya ili çerçivəsində növbəti sərgi sabah baş tulacaq. "Rusiya bu gün" adlı sərgidə rus fotoqraflarının işləri nümayiş etdiriləcək.

Kaspi 2006.- 13 iyun.- S. 8.