Əbülfəs Qarayev təkzib edir: “Üzeyir Hacıbəyovun heykəlinə qatı maddə tökməyiblər”

“Vyanada ümumiyyətlə ermənilərin izi-tozu da yoxdur”

Dünən jurnalistləri Muzey Mərkəzinə dəvət edən mədəniyyət turizm naziri Əbülfəs Qarayev mətbuat konfransı keçirdi. Müntəzəm olaraq tədbirlərdə media mənsublarının suallarını cavablandıran nazir bizlərlə düz 10 gündür görüşmədiyini dilə gətirdi. Odur ki, nazir son günlər gördüyü işlər barədə məlumat verdi. Ə.Qarayev öncə Mədəniyyət və Turizm Nazirliyində aparılan kadr islahatlarından danışdı. Dedi ki, nazirlikdə 12 şöbə fəaliyy göstərir. Onlardan 3-ü yeni yaradılıb. Bunlar musiqi məsələləri, təsviri incəsənət və gənclərlə iş üzrə bölmələrdir. Bütün şöbələrə təcrübəli insanlar cəlb olunublar.

Ümumilikdə, nazirliyin əvvəlki əməkdaşlarından 80%-i öz vəzifələrini icra edirlər. 20 faiz əməkdaşlar isə zəif əmək qabiliyyətlərinə görə işdən uzaqlaşdırılıblar. Bundan başqa, sovet ideologiyasından qalma şöbələrin adları dəyişdirilib. Məsələn, mədəni-maarif şöbəsi indi mədəniyyət siyasəti şöbəsi adlanır. İnformasiya və reklam şöbəsinə mütəxəssislər dəvət olunublar. Nazir kadr islahatlarının hələ davam etdirildiyini söylədi.

Daha sonra Ə.Qarayev Avstriya səfəri barədə məlumat verdi. O, Vyananın ən böyük parkında dahi bəstəkar Üzeyir Hacıbəyovun heykəlinin qoyulduğunu dedi. Bunu tarixi hadisə adlandıran nazir həmin ərəfədə "Media forumda yayılan xəbərə də münasibətini bildirdi: "Yazıblar ki, guya ermənilər Üzeyir bəyin heykəlini qatı maddə ilə ləkələyiblər. Və bu üzdən də açılış mərasimi baş tutmayıb. Mən özüm orada olmuşam, bütün telekanallar çəkiliş aparıb. Belə bir şey baş verməyib. Başa düşmürəm, belə şayiəni niyə yayıblar? Axı Vyanada mənim və yaxud hansısa siyasi xadimin heykəli ucaldılmayıb. Azərbayacan xalqının böyük şəxsiyyəti Üzeyir bəyin abidəsi qoyulub. Orada ümumiyyətlə, ermənilərin izi-tozu da yoxuydu. Bəlkə də belə bir iş görmək ermənilərin ağlına da gəlmirdi, amma indi bizimkilər onlara yaxşı ideya verdilər".

Xatırladaq ki, Ü.Hacıbəyovun Vyanada abidəsinin açılış mərasimi mayın 30-da olub. "Almaniya-Maynz Azərbaycan" Dostluq Cəmiyyətinin sədri Yusif Abulov "Media forum"a deyib ki, açılış mərasimindən əvvəl, mayın 29-da gecə vaxtı ermənilər heykəlin üzərinə qatı maddə töküblər. Ona görə də bələdiyyə işçiləri abidənin təmizlənməsinə cəlb edilib. Açılış mərasiminə bir neçə saat qalmış abidə yuyulub. Bunu Azərbaycanın Avstriyadakı səfirliyinin mədəniyyət attaşesi Ramil Fərzəliyev də təsdiqləyib. R.Fərzəliyev bildirib ki, abidənin quraşdırılması zamanı bir sıra maddələrdən, mayelərdən istifadə edilib, ona görə də abidənin təmizlənməsi zəruri olub. Eyni zamanda, R.Fərzəliyev vurğulayıb ki, Vyanada bir neçə gün yağış yağdığından toz-torpağı ləmizləmək üçün də abidənin yuyulmasına ehtiyac yaranıb. Məsələylə əlaqədar olaraq "Media forum" saytı bir daha abidəni hazırlamış heykəltaraş Ömər Eldarova müraciət edib. Ö.Eldarov heykəli quraşdırmaq üçün hər hansı mayedən istifadə edilmədiyini deyib.

Qeyd edək ki, Ə.Qarayev Avstriyada olarkən teatr və muzeylərin iş mexanizmi ilə yaxmdan tanış olub. Eyni zamanda, turizm sahəsiylə bağlı ciddi müzakirələr aparıb. Onun sözlərinə görə, Avstriyanın bir neçə turizm şirkəti Azərbaycana səfər edəcək və ölkəmizə turizmin inkişafında yaxmdan kömək edəcək. Bundan başqa, Avstriya dövlətinin maliyyə dəstəyi ilə Azərba-can Dövlət Akademik Opera və Balet, Milli Dram Teatrlarında, İncəsənət Muzeyi, Muzey Mərkəzi yeni avadanlıqlarla təchiz olunacaq.

Mətbuat konfransında Əbülfi Qarayev mətbuat səhifələrində haqqında yazılan məqalələrə də toxundu. Tənqiddən çəkinməyən nazir böhtan və ittihamları qəbul etmədiyini söylədi: "Mən ölkə prezidentinin təyinatına əsasən vəzifəyə gəlmişəm və Azərbaycanda mədəniyyət və turizm sahəsini dirçəltmək üçün əlimdən gələni edirəm. 4 ay ərzində mədəniyyət və incəsənət xadimləri ilə görüşmüşəm, istər yaşlı, istərsə də gənc nəsl problemləri ilə maraqlanmışam. Eyni istiqamətdə işlərimi davam etdirirəm. Əslində mənim haqqımda yazılan böhtan xarakterli yazılara əhəiyyət vermirəm. Amma görkəmli sənət adamları, korifey insanlar barədə qəzet və televiziya kanallarında dedi-qoduların əleyhinəyəm. Həmin məqalələrdən belə çıxır ki, Azərbaycanda mədəniyyət aləmində hamı savaşır".

Ə.Qarayev mətbuat konfransında kinoda görülən işlərdən də söz açdı. Artıq 4 filmin istehsalata buraxıldığını dedi. "Azərbaycan Dövlət Film Fondu"nun bina ilə təmin olunduğunu söylədi. Rusiyanın analoq qurumunda saxlanılan Azərbaycan filmlərinin lent yazıları alınaraq Film Fonduna təhvil veriləcək. Kinoteatrların vəziyyətinə gəlincə, bununla bağlı ciddi marketinq tədbirləri görülür. Fəaliyyəti vacib hesab olunan bir neçə kinoteatrın təmiri nəzərdə tutulub. Konkret olaraqc "Nizami" kinoteatrıyla bağlı layihə artıq hazırdır.

Xalq qəzeti.- 2006.- 9 iyun.- S. 15.