“Jurnalistlər bizim
işimizə mane olur”
Əbülfəs Qarayev mədəniyyət aləmində
baş verən qalmaqallara
görə qəzetləri
günahlandırdı
Mədəniyyət və turizm naziri Əbülfəs
Qarayev Muzey Mərkəzində
mətbuat konfransı
keçirib (APA). Tədbirdə
çıxış edən
nazir son günlərdə
baş verən mədəniyyət hadisələri
ilə bağlı fikirlərini bölüşüb.
"May ayında Mədəniyyət
və Turizm Nazirliyinin strukturu və ştatı təsdiqlənib.
Həm Mədəniyyət
və Turizm Nazirliyinin, həm də Gənclər və İdman Nazirliyinin 80 faiz işçiləri işlə
təmin olunublar. Nazirlikdə bir neçə yeni şöbə fəaliyyətə
başlayıb yə bir neçə şöbənin tərkibində
bölmələr yaradılıb.
İncəsənət şöbəsinin
tərkibində musiqi,
təsviri incəsənət və gənclərlə işləyən xüsusi
bölmə yaradılıb.
Mədəniyyət və
Turizm Nazirliyində kadr islahatları hələ davam edəcək". Ə.Qarayevin sözlərinə
görə, musiqinin ayrıca bir bölmə kimi fəaliyyət göstərməsinə
ehtiyac var. O, nazir olaraq muzeylərin,
mədəniyyət abidələrinin
bərpasına da diqqət yetirəcəyini
vurğulayıb: "Biz
nazirlik olaraq artıq bu yöndə
işlərə başlamışıq.
Qeyd etmək lazımdır ki,
muzeylərin, kitabxanaların, abidələrin
və bir sıra mədəniyyət
ocaqlarının bərpa
olunması istiqamətində
islahatlar aparılır.
Hazırda Karvansaray ətrafında yerləşən
yeni tikililərin sökülməsi ilə
bağlı işlər
gedir. Biz düşünürük
ki, yaxın zamanlarda Karvansarayı turizm obyekti edək. Bundan əlavə Yanardağın
qorunması üçün
xüsusi mühafızə
xidməti yaradılacaq".
Nazir eyni zamanda jurnalistlərə müraciət edərək
obyektiv olmağı və mədəniyyət
sahəsində baş
verənləri sensasiyaya
çevirməməyi məsləhət
görüb: "Son zamanlar
Azərbaycan mədəniyyət
aləmində bir sıra qalmaqallar baş verir. Bütün bunları şişirtməklə biz öz
mədəniyyətmizi təhqir
edirik. Bu gün biz mədəniyyətimizdə baş
verənlərin həlli
üçün çalışırıq,
ancaq jurnalistlərin bu cür mövqeyi
bizim siyasətimizə
mane olur. Kimsə kiməsə nəsə dedi, onu təhqir
etdi. Bu cür şeyləri mətbuata çıxarmaq və bunları sensasiya yaratmaq düzgün deyil. Bu gün sensasiya odur ki, Azərbaycanda dünya şöhrətli
qruplar konsert verirlər". Kino sahəsinə
də toxunan Ə.Qarayev bu gün kinoya qayğının artdığını
deyib. Nazir bildirib ki, hazırda
"Azərbaycanfilm" kinostudiyasında
4 film istehsal olunur:
"Biz nazirlik olaraq köhnə fılmlərin
bərpasını da
düşünürük. Müəyyən müddətdən
sonra artıq Dövlət Film Fondunun təmiri başa çatacaq. Biz heç bir sahəyə etinasız yanaşmırıq".
Azadlıq 2006. 9 iyun. S. 12.