Rəssamımızın əsərləri "Lütervil" qalereyasını bəzəyir

Baltimor şəhərinin "Lütervil" qalereyasında Merilend İnstitutunun İncəsənət Kollecinin tələbəsi, gənc rəssam Leyla Rzayevanın əsərləri sərgisi açılıb.
Əvvəllər heç vaxt tələbə-rəssamların işlərinə maraq göstərməyən qalereya rəhbərliyinin diqqətini Leylanın rəsmlərinin qeyri-adiliyi cəlb edib. Onun peyzajlarında əsasən Bakının təbiəti - kiçik ağaclar, kolluqlar, qumdaşları əks olunub. Azərbaycanlı tələbə-rəssam öz işlərində yağlı boyaya və litoqrafiyaya üstünlük verir.
Gələn ilin yanvarınadək davam edəcək sərgiyə baxmağa hər gün yüzlərlə tamaşaçı gəlir. Rəsm həvəskarları Leylanın qalereyada nümayiş olunan tablolarını alıb öz kolleksiyalarına daxil edirlər.

Azərbaycan.-2006.-8 noyabr.-S.8.