"Best Model of Azerbaijan" yarışması start götürdü

Münsiflər heyətinə Türkiyənin tanınmış sənətçiləri də qatılıb

Heydər Əliyev adına Sarayda əməkdar artist Aygün Kazımovanın rəhbərliyi ilə "Best Model of Azerbaijan" moda yarışması start götürdü. Yarışmada iştirak etmək üçün dünən gecə Türkiyənin tanınmış sənətçisi Nükhet Duru, "Best Model of the World"ün prezidenti Erkan Özerman, “Best Model of the World”ün qalibi Tuçə Bakıya təşrif buyurublar. Bu barədə APA-ya malumat verən A. Kazımova bildirib ki, yarışma öz qeyriadiliyi ilə yadda qalacaq:

"Reklam çarxlarından adını eşitdiyiniz türkiyəli qonaqlarım - müğənni Nükhet Duru, "Best Model of the World"ün prezidenti Erkan Özerman, "Best Model of the World"ün qalibi Tuçə və digər musiqili qonaqlarım artıq Bakıdadırlar. Bu gün onlar Azərbaycan tamaşaçıları qarşısında çıxış edəcəklər".

Müsabiqənin münsiflər heyətinə gəlincə, burada adları çəkilən qonaqlarla yanaşı, Azərbaycandan müğənni özü, Nahid Kabakçı, Çenk İçten, Mədəniyyət və Turizm, Gənclər və idman Nazirliklərinin əməkdaşı təmsil olunacaqlar. Lakin yerli modelyerlər bu müsabiqəyə cəlb olunmayıblar. Xatırladaq ki, Leyla Əhmədova ilə Aygün Kazımova hələ də küsülüdürlər. Fəxriyyə Xələfəvanın isə Bakıda olmadığını deyən Aygün Kazımova buna görə də bu modelyerin də yarışmaya qatılmayacağını qeyd edib.

Şərq.- 2006.- 25 noyabr.- S. 14.