Samirə

Audiovizual festival

Zuğulba Gənclik Mərkəzində VI beynəlxalq audivizual festival öz işinə başlayıb. Bu il festivalın iştirakçıları 16 ölkəni təmsil edir. Onların sırasında Azərbaycan, Rusiya, Kanada, Qırğızıstan, Ukrayna, İspaniya, Meksika, İran, Türkiyə, Gürcüstan, İsveçrə də digər ölkələr var. Festivalın təşkilatçıları Azərbaycan Peşəkar Kinorejissorlar Gildiyası, Mədəniyyət və Turizm Nazirliyi, Gənclər və İdman Nazirliyi, həmçinin təşkilati köməyini göstərən Avropa Kinorejissorlar Federasiyası, Audiovizual Müəlliflərin Beynəlxalq Assosiasiyasıdır.

Qeyd edək ki, festivalda yaşı 35-dən artıq olmayan kinematoqrafçılar iştirak edə bilərlər. Qalibləri Şəfıqə Məmmədovanın sədrlik etdiyi beynəlxalq münsiflər heyəti müəyyənləşdirəcək. Münsiflər heyətinin tərkibinə Ukraynanın xalq artisti, kinorejissor və kinooperator Aleksandr Koval, estoniyalı rejissor Pit Peters, İsveçrəli rejissor Jan Berturu, iranlı aktyor və rejissor Cahangir Almasi, Azərbaycandan kino rəssamı Arif Məhərrəmov, Gürcüstandan prodüser Nino Maqlakelidze daxildirlər.

Festivalın mükafatı -"Qızıl Pəri" aşağıdakı nominasiyalar üzrə təqdim olunacaq: "Ən yaxşı bədii fılm", "ən yaxşı sənədli fılm", "ən yaxşı animasiya fılmi", "ən yaxşı video art", "ən yaxşı reklam çarxı", "ən yaxşı televiziya müəllif proqramı", "ən yaxşı klip", "ən yaxşı tələbə işi" və "ən yaxşı kompüter qrafıkası".

Bundan əlavə, peşəkarlıq seçimi üzrə mükafatlar olan "ən yaxşı rejissor", "ən yaxşı ssenari müəllifi", "ən yaxşı aktyor", "ən yaxşı aktrisa", "ən yaxşı operator", "ən yaxşı rəssam", "ən yaxşı bəstəkar" və "ən yaxşı prodüser" nominasiyalarının qalibləri də müoyyənləşəcək. Təbii ki, festivalın Qran-prisi "ən yaxşı audivizual iş" nominasiyasının qalibinə veriləcək. Qaliblərin mükafatlandırılması noyabrın 4-də keçiriləcək.

Həftə içi.- 2006.- 3 noyabr.- S. 8.