Ölkəmizdə səfərdə
olan Polşa Senatının sədri Boqdan Boruseviçin başçılıq etdiyi nümayəndə heyətinin
üzvləri noyabrın 10-da
İçərişəhəri gəzmişlər.
Şirvanşahlar sarayından başlanan
gəzintini qonaqlar Qız qalasında davam
etdirmişlər. Şirvanşahlar sarayında
Key-Qubad məscidi, Seyid Yəhya Bakuvi türbəsi, sərq portalı ilə tanışlıqdan sonra Boqdan Boruseviç
xatirə kitabına ürək sözlərini yazmışdır.
Qonaqlara məlumat verilmişdir ki, Bakıda qədim
abidələrin qorunub
saxlanmasına, inkişafına dövlət tərəfindən
hərtərəfli diqqət
və qayğı göstərilir. Azərbaycan Prezidentinin
Sərəncamı ilə
İçərişəhər Dövlət
tarix-memarlıq qoruğu yaradılmışdır.
Polşalı qonaqlar İçərişəhərdə
xatirə şəkilləri
çəkdirmişlər.
Xalq qəzeti.-
2006.- 11 noyabr.- S. 5.