Quliyev İlham
Azərbaycanda internet hələ də
biznes strukturuna çevrilməyib
Ümid yenə
reklamlara qalır ki, o da ümumi
bazarın 3 faizini təşkil edir
Azərbaycanda internet reklamının
inkişafı ilə
bağlı meyllər
hiss olunmaqdadır. Bu fikir
Azərbaycan İnternet
Forumunun "İnternetdə
reklam" mövzusunda
keçirdiyi Dəyirmi
masada səsləndirildi.
Forumun prezidenti Osman Gündüz internet reklamının
artmasının ölkədə
internetin inkişafı
ilə əlaqələndirdi.
Onun sözlərinə görə,
Azərbaycanda internetin
inkişafı qonşu
ölkələri qabaqlayır.
Artıq
internetdə ölkə
ilə bağlı ciddi informasiya bazası yaradılıb.
Lakin hələ də Qazaxıstan və Baltikyanı respublikalarına
çata bilməmişik.
Azərbaycanda hələ də
internet biznes strukturuna
çevrilə bilməyib.
Ölkədə hələ ki,
internet ticarəti yoxdur.
Ona görə də internet qurumları bu sahədə gəlir əldə edə bilmirlər. Yeganə gəlir
mənbəyi saytlarda
reklamların yerləşdirilməsidir.
O.Gündüz qeyd etdi ki,
Azərbaycanda internet reklamının
inkişafı üçün
yaxşı şərait
var. Elə saytlar var ki, gün
ərzində oraya
4000 nəfər daxil olur.
Azərbaycan İnternet Forumunun İdarə Heyətinin üzvü Rüstəm Əliyev Azərbaycan internetindəki mövcud problemlər və dünya təcrübəsindən
danışdı. Onun sözlərinə
görə, bu gün Azərbaycan internetinin əsas problemlərindən biri yeni yaradılan saytların internetdə deyil, televiziya və radiolarda reklam olunmasıdır.
Halbuki saytların internetdə reklamı daha yaxşı effekt verə bilər. R.Əliyev qeyd etdi ki,
bu gün Azərbaycan internetində
reklam standartları mövcud deyil. Hər bir saytda banerlər
müxtəlif ölçülərdə
qoyulur. Bundan əlavə, 1 saytda
ifrat dərəcədə
banerlərin yerləşdirilməsi
müşahidə olunur.
Halbuki dünya təcrübəsində
1 səhifədə 3-5-də artıq banerin yerleşdirilməsinə rast
gəlinmir. R.Əliyev Azərbaycan
internetində reklamın
qiymətinin ənənəvi
üsullarla hesablanmasının
da problem olduğunu vurğuladı. Onun sözlərinə
görə, reklam verənlər və sayt sahibləri banerlərin qiymətini günə müvafıq müəyyənləşdirirlər. Halbuki dünya praktikasında saytlarda yerləşdirilən
banerlərin qiymətləri
sayta daxil olan şəxslərin sayına müvafiq yerləşdirilir.
R.Əliyev dünya praktikasında geniş istifadə olunan banerlərin rotasiyası qaydasından Azərbaycan internet reklamçılığında
istifadə olunmadığını
da bildirdi. Onun sözlərinə
görə, Azərbaycan
saytları İnteraktiv
Reklam Bürosunun banerlərlə bağlı
standartlarına da əməl etmirlər.
Halbuki bu standartlardan Avropa və ABŞ-a məxsus saytlar çox həvəslə
istifadə edirlər.
"Bu standartlardan yalnız Afrika və Azərbaycan saytları istifadə etmir" - deyə R.Əliyev qeyd etdi.
"Sahil"
İnformasiya Texnologiyaları
MMC-nin nümayəndəsi
Vahid Qasımov hazırda Azərbaycan reklam bazarında reklamların 60 faizinin televiziya və radioların payına düşdüyünü bildirdi. Onun sözlərinə
görə, metrolarda və avtobusların üzərində reklamların
payı ümumi bazarın 10 faizini təşkil edir. Küçə reklamlarının bazardakı payı da 10 faizdir. Qəzet və jurnallardakı reklamlar isə 12 faiz təşkil edir. Ən aşağı
reklam isə 3 faizlə
internetdədir. V.Qasımov
qeyd etdi ki, Azərbaycanda ümumi reklam dövriyyəsinin 5, 5-6 milyon ABŞ dolları olduğu müəyyənləşdirilib. Bu minvalla
hər il
internetdə reklamın
dövriyyəsi 180 min dollar təşkil edir. Onun sözlərinə görə,
son ildə bu rəqəm bir qədər də böyüyüb. Hazırda 30-dan artıq saytda 200 internet reklamı yerləşdirilib.
Dünya
praktikasına müraciət
edən məruzəçi
qeyd etdi ki, hesablamalara
görə, internet
reklamlarının 41 faizi axtarış sistemlərində
yerləşdirilir. İnternet reklamlarının
34 faizi baner formasında olur. 2 faiz reklamlar e-maillər vasitəsilə
pirat şəkildə
yayılır. 23 faiz reklamlar isə digər formatlarda olur.
Kaspi.- 2006.- 17-19 iyun. -S. 7.