H.SAMİNƏ
60 yaşda bu mənə böyük hədiyyə
oldu
Sənət adamlarının içərisində
elələri var çox tez uğur qazanır, eləsi də
var bunu böyük zəhmət, alın tərilə
əldə edə bilir...
Müsahibimiz Azərbaycanın Xalq artisti Yasin Qarayevdir
- Yasin müəllim, 60 il üçün nə deməkdir?
60 il insan ömrü
üçün yaxşı ildir. Əvvəla deyim ki,
hər adam gəlib bu yaşa çata bilmir. Böyük
Səməd Vurğun ömrünün 50 yaşında
dünyasını dəyişmişdi. Amma uşaqlıqdan
mənə elə gəlirdi kı, Səməd Vurğun
dünyanın ən qocaman, ən yaşlı adamıdır.
Elə bilirdım Dədə Qorqud dünyasını
dəyişib. Üzeyir bəy əsərində Məşədi
İbadı "qoca bir kişi" kimi təqdim edirdi. Sonra
özü də etiraf etdi ki, 50 yaşa çatanda
gördüm yox, 50 il yaşamaq elə də böyük
iş deyilmiş. Bu yaş ürəyin əsil
yaradıcılıq eşqilə döyünən vaxtıdır.
60-da bir az da bundan çoxdur...
Bu yaxınlarda əlimə ali
məktəbə təqdim etmək üçün
aldığım köhnə bir arayış keçdi.
1965-ci ildə nəşriyyatın nəzdində yerləşən
"Damğa" satirik xalq teatrına Qafar Həqqi deyilən
bir aktyorumuz rəhbərlik edirdi. Həmin arayış bu
teatrda 41 il əvvəlki fəaliyyətimi mənə bir daha
xatırlatdı. O illərin içərisində
gözəl anlar da olub... Yaradıcı adamın
ürəyində çoxlu arzular olur. Mənə elə
gəlir ki, onları həyata keçirmək
üçün hələ qabaqda illər olmalıdır.
Çünki aktyor nə qədər oynasa, obrazlar yaratsa da
tükənmir. Mən hər yerdə - maşınla
gələndə, metroda, küçədə hər
dəfə yeni bir xarakter görürəm. O demək deyil ki,
mən həmin obrazı olduğu kimi yaratmaq istəyirəm.
Onun bir tikəsi - hərəkətimi,
danışığımı, şakərimi qəlbimin bir
küncünə dolur. Sonra başqa bir hadisənin şahidi
oluram, dostların və digərlərinin
davranışlarından yeni bir hərəkəti əxz
edirəm və bunlar bir yerə toplanır, yəni
müxtəlif insanların və müxtəlif illərin
məhsulu olan bir obraz ələkdən keçəndən sonra
bu gün yaranır. Adətən aktyor müəllif
tərəfındən verilən mətni oynayır, rejissor
isə onun qurduğu mizanı, fıkirləri açır.
Amma "yaratmaq" sözü çox böyükdür.
Yaradıcı insan ömrü boyu bir neçə barmaqla
sayılacaq sənət əsəri yaradıbsa, o
böyük sənətkardır. Məsələn,
Ələsgər Ələkbərov çox rollar oynayıb.
Amma təhlil edəndə deyirlər, o, Şekspirin
"Otello"sunu yaradıb...
"Ağ atlı oğlan"ı
çox gözləməli oldunuz?
Mən Gənc Tamaşaçılar
Teatrında işləyəndən 17 il sonra fəxri ada layiq
görülmüşəm. Ondan sonra 15 il keçib. Bu 32
ilə "Xalq artisti" fəxri adını əldə
etmışəm. Bəlkə 5-6 il bundan əvvəl
olsaydı, onun ləzzəti daha artıq olardı,
bilmirəm. Amma 60 yaşın özündə də bu ad
mənə böyük hədiyyə oldu. Uşaq olarkən
"Ağ atlı oğlan" nağılını oxuyurdum
və hesab edirdim ki, mənim idealım olan o ağ atlı
oğlan gələcək, özü ilə ədaləti,
haqqı gətirəcək. Çünki dahi Nizaminin də
belə bir sözü var ki: "ədalətin işidir
ölkəni abad eylər". Sən demə, mənim
qəlbimdə ucaltdığım idealım bu gün
ölkə prezidenti İlham Əliyev imiş ki, o
müjdəni verdi mənə. May ayında birinci
fərmanı ilə prezident mükafatına layiq
gördü, sonra da mənə fəxri ad verdi.
- Bayaq
Ələsgər Ələkbərovun Şekspirin Otellosunu
yaratdığını qeyd etdiniz. Sizin bıı
rollarınızın içərisində
yaratdığınız obraz hansıdır?
- Tanrı
yazısı deyilən şeyə çox inanıram.
Hərənin alnında onun ömrü, bəxti və sair
yazılıb. Bəzi adamlarda görürsən bu bəxt
yüyrək olur, yəni məsəl var deyərlər
"bəxti qabağında oynayır". Bu, sənət
adamlarına da aiddir. Onların içərisində
elələri var ki, çox tez uğur qazanır, eləsi
də var onu böyük zəhmət, alın tərilə
əldə edə bilirlər...
Gənc Tamaşaçılar
Teatrında 1974-cü ildən işləyirəm. İlk
dəfə Hüseynağa Sadıqovun quruluş verdiyi
"Tamahkar" pyesində nökər Qulunu oynadım. Hazırlanan
kimi dövlət televiziyası vasitəsilə göstərildi.
İlk uğurum orada oldu. Sonra məni tez-tez "Komediyalar
aləminə səyahət" verilişinə dəvət
elədilər. Orada Əfqan Əsgərovun "Qız
atası" tamaşasında Nəroğlan rolunu
aparırdım. Bu günədək televiziya və teatr
tamaşalarında bəlkə yüzə qədər rol
oynamışam, amma o rolum tamaşaçılar
tərəfındən çox yüksək səviyyədə
qarşılandı və uğur gətirdi mənə. Bir
də İsi Məlikzadənin "Gəl qohum olaq"
tamaşasında Qarakişi rolunu tamaşaçılar
çox seviblər. O tamaşada baş rolda bir on beş il
oynadım. O vaxt İsi Məlikzadə o rolu mənim
üçün yazdığını bildirdi və hətta
zarafatla dedi ki, sənin familiyan Qarayevdir, mənsə
əsərin qəhrəmanının adını uyğun
olaraq Qarakişi qoymuşam. Ana tərəfim Ağcabədinin
Qaradolaq kəndindəndir. Əsərdə də Qarakişi
Ağcabədinin Qaradolaq kəndindəndir. Nə isə,
çox uğurlu bir tamaşa alınmışdı. Sonra biz
onu İsi Məlikzadənin vəsiyyəti kimi Az.TV-də
işləyən gözəl rejissor Məhərrəm
Bədirzadə ilə birlikdə fılm-tamaşa kimi
çəkdik. Artıq o rol üçün yaşlı
olduğumdan mənim məsləhətimlə Qarakişi
roluna Rəfaeli dəvət etdi.
- Oynamaq istəmədiyiniz rol olubmu,
ümumiyyətlə komik və ya dramatik rollarda oynamağı
xoşlayırsınız?
- Bir deyil, bir neçə belə rol
olub . Xalq artisti, prezident təqaüdçüsü,
çox gözəl rejissor Ağakişi Kazımovun
quruluşunda bir əsərdə böyük müvəffəqiyyətlə
rolu başa vurmuşdum. Bir dəfə Ağakişi
müəllim mənə bir rol həvalə etdi, oxudum
gördüm, ümumiyyətlə, rol xoşuma gəlmir, içimdə
bu rola qarşı boşluq var və ehtiyatımda o rolu oynamaq
üçün heç nə yoxdur. Burdan başlandı
aramızda yaxşı mənada narazılıq, necə
deyərlər, sənət mübahisəsi. Bu gün də
görəndə ehtiramla salamlaşırıq, amma
gözlərinin içərisindən hiss edirəm ki, o
narazılıq onda qalıb. Qəzetlərdə də bu barədə
yazıldı, Nə bilim, "niyə işləmirsiniz
Ağakişi Kazımovla? Bir -birinizi bəyənmirsiniz"
və sairə. Amma mənə elə gəlir ki, o məni
bəyənir bir aktyor kimi, mən də onu bir rejissor kimi. Ola
bilsin fıkırlərimiz bəzi yerlərdə düz
gəlmir.
Çox bəyəndiyim rollar da olub.
İrəvan Dövlət Dram Teatrının direktoru
İftixar müəllim mənə əsərindəki erməni
rolunu oynamağı xahiş etmişdi. Əsəri oxudum,
orada Dul Alı rolu çox könlümə yatdı.
Gördüm ki, bu rolu oynamaq üçün məndə
nə qədər desən material var. Xəyalən
uşaqlığa getdim. O tipli adamlar xəyalımda canlandı,
bunlar üst-üstə gəldi və gördüm sanballı
bir rol alındı.
-
Görkəmli sənətkarlardan hansı səhnə
vərdişlərini əxz etmisiniz?
- "Dalğa" teatrında
sözün həqiqi mənasında təcrübə
məktəbi keçmişdim. Səhnə
mədəniyətini, səhnə davranışlarını
orada əməkdar artist Qafar Həqqidən əxz eləmişəm.
Sonra İncəsənət Universitetində təhsil
alarkən, səhnədə öz sözünü demiş
sənətkarlar Rza Təhmasib, nitq
mədəniyyətindən dərs deyən Müxlis Canızadə,
Səftər Turabov, "Dan ulduzu" nun rəhbəri
Gülarə Əliyeva, Opera Teatrının solisti,
əməkdar artist Rəhilə Cabbarova, şərqdə ilk
opera yazan qadın bəstəkar Şəfıqə
Axundovanı burada müəllim kimi gördüm. Onların
nitqimin düzəlməsində, digər səhnə
vərdişlərini əxz eləməyimdə böyük
rolları olub. Gənc Tamaşaçılar Teatrına gələnden
sonra Firəngiz Şərifova, Yusif Vəliyev, Osman Hacıbəyov,
Hüseynağa Sadıqov, Süleyman Ələsgərov,
Məmməd Əlizadə, Susanna Məcidova, Məxfurə
Yermakova kimi sənətkarları gördüm. Bunlarla
işləmək böyük bir sınaq, imtahan idi. Amma bu
böyük sənətkarların içərisində
Hüseynağa Sadıqovu özümə müəllim
sayıram. Addımlarım təbii ki, kövrək idi, o
addımları Hüseynağa müəllim
möhkəmlətdi. O, məni özü ilə radioya,
televiziyaya, müxtəlif tədbirlərə
aparırdı...
- Ailədə səndtinizə münasibət
necədir?
- Allahıma çox şükür
edirəm ki, rast gəldiyim həyat yoldaşım məni
başa düşən adam oldu. Həyat yoldaşım
Şəmsiyyə Qarayeva Az.TV-1-də 20 ildən çoxdur ki, radio diktoru işləyir.
Oğlum Rövşən də orada kompüter
mərkəzində çalışır. Biz hamımız
bu işin içərisində olan adamlarıq.
- Yaradıcılıq istedaddan
irəli gəlir. İstedad barədə fikirlərinizi
bilmək istərdim.
- İstedad insana Allah
tərəfındən verilir. Təbii ki, hər bir adam
doğulandan onun canında, qanında hər hansı bir istedad
olur. Amma bu istedad gərək inkişaf eləsin, əks
təqdirdə, elə uşaqlıqda ölüb
çıxıb gedər. Bu, bütün sənətlərə,
o cümlədən aktyor sənətinə də aiddir.
Əsasən zəhmətin sayəsində bu istedad
cilalanır, gül açır.
- Hazırda nəyin üzərində
işləyirsiniz və gələcək planlarınız
barədə...
- Televiziyada Mövlud
Süleymanlının 3 seriyalı bir əsərini
işləyib təhvil vermişəm. Yəqin ki,
efırə yaxın günlərdə çıxacaq.
İrəvan Dövlət Dram Teatrının direktoru
İftixar müəllimin "Dan yeri
söküləndə" əsərində Dul Alı rolunu
oynadığım bir tamaşanı təhvil verdim. Bu
günlərdə Süleyman Rüstəmin 100 illiyinə
həsr olunmuş bir pərdəli "Çimnaz xanım
yuxudadır" pyesi Mədəniyyət və Turizm Nazirliyi
tərəfındən dövlət sifarişi kimi verildi. Biz
onu hazırladıq və həm də bunu 60 illiyimə
hədiyyə elədim. Orada baş rolda oynayıram.
Hazırda isə qarşıda mənim 60 illiyimə həsr
olunmuş yubiley gecəsinin üzərində
yaradıcılıq işləri aparıram. Sonra nə
işlə məşğul olacağam, onu Allah bilir.
Yaddaş.- 2006.- 17 iyun.- S. 2.