Behbudqızı S.

Nazirlik teleradioların isini tənzimləyəcək

"Bundan sonra teleradio rəhbərləri qarşısında daha böyük öhdəliklər qoyulacaq"

“Yaxın aylarda CNN telekanalında Azərbaycan reklamı yayınlamağa başlanacaq

Əbülfəs Qarayev Mədəniyyət və Turizm naziri: “Etiraf etməliyik ki, Azərbaycanın teleradio məkanında mədəniyyət anlamının xəbər, təhlil, təsvirinin dolğun mənada gerçəkləşməsi neçə illərdir dönə-dönə arzuladığımız cəhətlərdəndir.

Dünən Muzey Mərkəzində Azərbaycan Respublikasının Mədəniyyət və Turizm Nazirliyi və respublikada fəaliyyət göstərən teleradio şirkətlərinin birgə əməkdaşlıq haqqında bəyanatının imzalanmasına həsr olunan mərasim keçirildi. Bəyanatı tərəfdaş təşkilatlar rəhbərləri - Azərbaycan Respublikasının Mədəniyyət və Turizm naziri Ə.Qarayev, Azərbaycan Televiziya və Radio Verilşləri Qapalı Səhmdar Cəmiyyətinin, İctimai Televiziya və Radio Yayımları Şirkətinin, ANS şirkətlər qrupunun, "Space" Müstəqil Teleradio Şirkəti Məhdud Məsuliyyətli Cəmiyyətin, "Lider TV" Media Holdinqin, "Azad Azərbaycan" Teleradio Yayım Şirkətinin rəhbər işçiləri imzaladılar. İmzalanma mərasimində teleradio şirkətlərinin prezidentlərinin iştirakı nəzərdə tutulsa da, yalnız "Space", İctimai, "Azad Azərbaycan" teleradio şirkətlərinin prezidentləri mərasimdə iştirak edirdilər. Digər şirkətlər isə müavinlər səviyyəsində təmsil olunurdular. Bəyanat preambuladan və on üç bənddən ibarətdir. Sənədə görə, onu imzalayan qurumlar üçün mədəniyyət, ədəbiyyat və incəsənət məsələlərinin işıqlandırılması zamanı nıövcud ənənələrin qorunması, dəqiqlik, operativlik, peşəkarlıq, sağlam rəqabət, meyarların, düzgün seçimi, mədəni sərvətlərin təbliği, Azərbaycan dilinin təmizliyinin qorunması, milli mentalitetə yad materialların efirə yayınlanma çıxarılmasının qarşısının alınması başlıca prioritetlər olmalıdır. Sözügedən qurumların birgə əməkdaşlığı mədəniyyət və turizmin təbliği sahəsində müştərək layihələrin lıəyata keçirilməsinə, istedadlı insanların üzə çıxarılmasına və həvəsləndirilməsinə, peşəkar teleradio jurnalist kadrlarının hazırlanmasına geniş imkanlar açır. Bu yöndə Mədəniyyət və Turizm naziri Ə.Qarayev qeyd etdi ki, birgə fəaliyyətin bu cəhəti mətbuat nümayəndələrinə də aid olacaq.

Bəyanat belə bir fıkirlə bitir ki, hazırda səmərəli əməkdaşlıq üçün müsbət şərait var, bu şəraitin yaratdığı məsuliyyəti dərk edərək Azərbaycan teleradio məkanında yüksək estetik dəyərlərə malik, istedadlı, ciddi yaradıcı axtarışların məhsulu olan, başqa sözlə, müasır tamaşaçı dinləyici tələbatına tam cavab verməklə yanaşı, Azərbaycan xalqının mədəni və mənəvi dəyərlərinin qorunub-saxlanmasına və daha da inkişaf etdirilməsinə imkan yaradan əsərlərin meydana çıxmasına nail olmaq mümkündür. Bəyanatda qeyd olunur ki, efırə verilən veriliş və filmlərin keyfiyyətinin yüksəkliyinə nail olmaqdan ötrü birgə bədii şura yaradılmalıdır.

İmzalanma mərasimi zamanı nazirliyin, teleradio şirkətlərinin nümayəndələri, qonaqlar çıxış edərək bəyanatla bağlı fikirlərini, arzularını söylədilər.

Nazir Ə.Qarayev mərasim iştirakçılarına xəbər verdi ki, yaxın aylarda CNN telekanalında Azərbaycanın reklamı yayınlanmağa başlanacaq və bu məqam teleradio rəhbərləri qarşısında daha böyük öhdəliklər qoyur. Nazir onu da dedi ki, artıq oktyabrın ortalarından etibarən televiziya və kinoteatrlarda nümayişlənəcək filmlər öncə nazirliyin nəzarətindən keçiriləcək.

Yalnız ümid etmək qalır ki, cəmiyyətimizdə çox zaman olduğu kimi, yaxşı niyyətlər yalnız kağızın yaraşığı olmayacaq, həyata keçirilmədiyi üçün onu əzabkeşə çevirməyəcək.

Həftə içi.- 2006.- 22 sentyabr.- S. 8.