İradə

Azərbaycana gələn və ölkədən gedən turistlərin sayi bərabərləşib

"5 ii bundan əvvəl Azərbaycana gələn turistlər, buradan gedənlərin 30-40 faizini təşkil edirdi. Hazırda isə vəziyyət dəyişib. Ölkəyə gələn və buradan gedən turistlərin sayı demək olar ki, bərabərləşib". Bu barədə Mədəniyyət və Turizm naziri Əbülfəs Qarayev məlumat verib. O qeyd edib ki, ilin birinci yarısında Azərbaycana 1 milyon 300 mindən artıq əcnəbi gəlib. Onların 926 mini turistlər olub. "Bu da onu göstərir ki, ilin axırına kimi Azərbaycana gələn turistlərin sayı 1 milyon 200 min nəfərdən çox olacaqdır - deyə nazir vurğulayıb. O qeyd edib ki, bu rəqəm Azərbaycanın turizm tarixində rekord göstərici olacaq. Nazir bildirib ki, Azərbaycana turistlər əsasən qonşu ölkələrdən, eyni zamanda Avropadan, ABŞ-dan və ərəb ölkələrindən gəlirlər. Ə.Qarvayev bildirib ki, ilin birinci yarısında Azərbaycandan 1 milyon 400 min insan xaricə gedib. Azərbaycanlılar daha çox Türkiyə, Birləşmiş Ərəb Əmirliklərinə və MDB ölkələrinə gedirlər.

Yeni Azərbaycan.- 2006.- 2 sentyabr.- S. 5.