*“Azərbaycan Respublikasının Mədəniyyət və Turizm Nazirliyi haqqında əsasnamənin, nazirliyin strukturunun təsdiq edilməsi və aparatının işçilərinin say həddinin müəyyən edilməsi barədə” Azərbaycan Respublikasının Prezidentinin 2006-cı il 18 aprel tarixli 393 nömrəli fərmanında dəyişiklik edilməsi haqqında

Azərbaycan Respublikası Prezidentinin Fərmanı

Azərbaycan Respublikasının Mədəniyyət və Turizm Nazirliyinin fəaliyyətini təmin etmək məqsədi ilə qərara alıram:
1. Azərbaycan Respublikası Prezidentinin 2006-cı il 18 aprel tarixli 393 nömrəli fərmanı ilə təsdiq edilmiş "Azərbaycan Respublikasının Mədəniyyət və Turizm Nazirliyinin strukturu"nun (Azərbaycan Respublikasının Qanunvericilik Toplusu, 2006-cı il, N 4, maddə 325) 2-ci bəndindən "Naxçıvan Dövlət Musiqili Dram Teatrı", "Naxçıvan Dövlət Kukla Teatrı", "Naxçıvan Dövlət Filarmoniyası", "Ordubad "Gəmiqaya" Tarix-Bədii Qoruğu", "Şərur "Arpaçay" Tarix-Mədəniyyət Qoruğu", "Ordubad Dövlət Tarix-Memarlıq Qoruğu", "Culfa "Gülüstan" Tarix-Mədəniyyət Qoruğu", "Naxçıvan Dövlət Rəsm Qalereyası", "Dövlət Film Fondunun Naxçıvan filialı" və "Naxçıvan Turizm İnformasiya Mərkəzi" sözləri çıxarılsın.
2. Bu fərman dərc edildiyi gündən qüvvəyə minir.

İlham Əliyev,
Azərbaycan Respublikasının Prezidenti
Bakı şəhəri, 20 sentyabr 2006-cı il

Azərbaycan.- 2006.- 21 sentyabr.- S. 1.