Əsli

Azərbaycanda Nuru pasanın heykəli qoyula bilər

Türkiyə ilə gənclərin mübadilə layihəsinə dair Dəyirmi masa keçirilib

Dünən Gənclər və İdman Nazirliyində gənclərin mübadilə layihəsini həyata keçirmək məqsədilə Dəyirmi masa keçirilib. Tədbirdə çıxış edən Gənclər və İdman naziri Azad Rəhimov layihənin əsas məqsədinin Türkiyə və Azərbaycan arasında dostluq, qardaşlıq, mədəniyyət və idman əlaqələrinin daha da inkişaf etdirilməsi olduğunu qeyd edib.

"Ötən il layihə çərçivəsində Azərbaycan gənclərindən ibarət nümayəndə heyəti Türkiyə Cümhuriyyətinin Ankara, Karabük və Safranbolu şəhərində səfərdə olmuş, orada keçirilən tədbirlərdə yaxından iştirak etmişlər" - deyən nazirin sözlərinə görə, məhz Azərbaycanlı gənclərin Türkiyəyə səfəri gənclərin mübadiləsinin həyata keçirilməsində əsas təkanverici amillərdən biri olub.

A.Rəhimov qeyd edib ki, layihənin davamlılığını təmin etmək üçün Nazirlik tərəfındən 20 nəfər tərkibdə Türkiyə nümayəndə heyətinin 13-19 sentyabr 2006-cı il tarixlərdə Azərbaycanlı gənclərin iştirakı ilə "Bir millət iki dövlət" devizi altında Bakı, Sumqayıt şəhərlərində, Şamaxı rayonunda mədəni-kütləvi tədbirlərdə iştirak etməsi də planlaşdırılır.

"Nəinki Karabük-Bakı, həm də digər şəhərlər arasında əlaqənin genişləndirilməsi labüddür. Bu tnəqsədlə 2006-cı ildə müxtəlif səfərlər təşkil edilib. Bu yaxınlarda baş nazirin müavini Mehmet Ali Şahinlə saziş bağlanılıb. Burada qəbul edilmiş tədbirlər planına əsasən, bu istiqamətdə müəyyən addımların atılması nəzərdə tutulub"- deyən A.Rəhimov Türkiyədə təhsil alan Azərbaycanlı tələbələrin istəklərindən də söz açıb. O qeyd edib ki, bu yaxınlarda onlar Azərbaycanda Nuru paşanın heykəlinin qoyulması təşəbbüsü ilə çıxış ediblər. Hal-hazırda bu təklif müzakirə olunur.

Kaspi.- 2006.- 15 sentyabr.- S. 6.