Səttar Bəhlulzadə adına
Mərkəzi Sərgi salonunda 2006-cı ilin aprelindən
sentyabradək Mədəniyyət və Turizm Nazirliyi
tərəfindən keçirilən "Azərbaycan 2006 -
turizm aləmi" adlı fotomüsabiqəyə yekun
vurulmuşdur.
Fotomüsabiqəni keçirməkdə məqsəd
Azərbaycanda çox vacib olan bu sahənin inkişafı,
ölkəmizin tarixini, mədəni və milli irsini,
xalqımızın bənzərsizliyini, təbiətimizin
gözəlliklərini, rəngarəngliyini, nadir nemətlərini
təbliğ etmək idi. "Azərbaycan 2006 - turizm
aləmi" fotomüsabiqəsində paytaxtla yanaşı,
Gədəbəy, Lənkəran, Masallı, Lerik, Qax, Zaqatala,
Balakən, Qusar, Tovuz rayonlarından 77 peşəkar və
həvəskar müəllifin 700-dən artıq
fotoəsərinə baxış keçirilmişdir.
Dörd kateqoriya üzrə keçirilən
fotomüsabiqədə qaliblər
müəyyənləşdirilmişdir. Bundan əlavə,
hər kateqoriyanın həvəsləndirici mükafatları
da var idi. Eləcə də, Azərbaycan Fotoqrafçılar
Birliyi tərəfindən ən yaxşı
fotoəsərlərə də xüsusi mükafat və qiymətli
hədiyyələr təqdim olundu.
Fotomüsabiqənin ən yaxşı işləri xüsusi
olaraq buraxılmış kataloqda öz əksini tapmış
və qaliblərin təntənəli şəkildə
təltif olunma mərasiminin keçirildiyi Səttar
Bəhlulzadə adına Mərkəzi Sərgi salonunda
nümayiş etdirilmişdir.
"Azərbaycan 2006 - turizm aləmi"
fotomüsabiqəsinə ölkəmizin müxtəlif
bölgələrindən göstərilən maraq sübut
edir ki, mühüm əhəmiyyət kəsb edən bu
tədbirin keçirilməsi günün vacib
tələbidir. Təsadüfi deyil ki, 2006-cı il yeni
dövrün - Azərbaycanda turizm sənayesinin
inkişafının başlanğıcı hesab oluna
bilər. Fotomüsabiqənin əsas devizi xalq şairi
Süleyman Rüstəmin "Cənnət görmək
istəyən Azərbaycana gəlsin" misrası idi.
Azərbaycan.-
2006.-5 sentyabr.- S. 5.