Elnur

"Heydər Əliyev irsi və Azərbaycan gəncliyi"

Çoxseriyalı elmi-publisistik film hazırlanır

Gənclər və İdman Nazirliyi tərəfındən 2007-2008-ci illərdə mərhələli şəkildə planlaşdırılan forumlar ərəfəsində "Heydər Əliyev irsi və Azərbaycan gəncliyi" adlı çoxseriyalı elmi-publisistik filmin istehsalı ilə bağlı materiallar toplanır. Bu barədə adı çəkilən nazirliyin mətbuat xidnıətinin rəhbəri Raqif Abbasov bildirib.

R.Abbasov qeyd edib ki, ümummilli lider H.Əliyevin ilk gənclər forumunda iştirakı, gənclər siyasəti haqqında dövlət qanununun, müxtəlif konvensiyaların imzalanması və digər materiallar nazirlik tərəfindən toplanılıb. Bu toplumları nəzərə alaraq 2007-2008-ci illərdə mərhələli şəkildə keçirilməsi planlaşdırılan forumlar ərəfəsində "Heydər Əliyev irsi və Azərbaycan gəncliyi" adlı çoxseriyalı elmi-publisistik filmin istehsalına başlanılacaq: "Bu, tarixi, sənədli, publisistik bir film olacaq. Hazırda arxiv materiallarının toplantısı aparılır. Burada Heydər Əliyevin Azərbaycanda hakimiyyəti dövründə gəncliyə göstərdiyi diqqəti nəticəsində xarici dövlətlərdə təhsil alıb orada çalışan gənclərin rəyləri də cəmləşəcək".

R.Abbasov onu da bildirib ki, sentyabrın 8-dən Azərbaycanda səfərdə olan Səudiyyə Ərəbistanı Krallığının Gənclərə Qayğı Baş Sədrliyinin nümayəndə heyətinin Şəki və Qəbələdə görüşləri planlaşdırılıb.

Qeyd edək ki, Səudiyyə Ərəbistanından gələn nümayəndə heyəti Şamaxıda, Gəncə şəhərində, Sabirabad rayonunda məskunlaşan məcburi köçkünlərlə görüşüb, İçərişəhərdə, Milli Olimpiya Komitəsində, Heydər Əliyev Fondunda olublar, Gənclər və İdman naziri Azad Rəhimovla görüşüblər. Qonaqların Bakı Dövlət Universitetində görüşləri planlaşdırılıb.

Onların Azərbaycana səfəri sentyabrın 17-dək davam edəcək.

R.Abbasov həmçinin deyib ki, Azərbaycanda səfərdə olan Türkiyənin Karabük Gənclik Mərkəzinin nümayəndə heyətinin nazir Azad Rəhimovla görüşü də planlaşdırılıb. Daha sonra isə qonaqlar Türkiyənin Azərbaycandakı səfirliyində olacaqlar və Atatürk Mədəniyyət Mərkəzində "dəyirmi masa" keçirəcəklər. Türkiyəli qonaqların səfəri sentyabrın 19-da başa çatacaq. Onu da bildirək ki, Azərbaycan Respublikasının Gənclər və İdman Nazirliyi Türkiyə Cümhuriyyətinin Karabük Gənclik Mərkəzi ilə birgə gənclərin mübadilə layihəsini həyata keçirir.

Nazirliyin rəsmisi vurğulayıb ki, Gənclər və İdman naziri Azad Rəhimov sentyabrın 21-28-də Çin Xalq Respublikasına səfər edəcək. Səfər çərçivəsində nazir bir sıra əhəmiyyətli görüşlər keçirəcək: "Məqsəd birinci növbədə gənclər sahəsində qarşılıqlı ənıəkdaşlığın beynəlxalq səviyyədə gücləndirilməsidir. Digər tərəfdən isə nazir 2008-ci il Yay Olimpiya Oyunlarına ev sahibliyi edən Çinin bu prosesə hazırlığı ilə tanış olacaq. Eyni zamanda, nazir həmin ölkədə idman qurğularının, Olimpiya qəsəbəsinin tikilməsi, Azərbaycan idmançılarının harada yerləşəcəyi, idman yarışlarının hansı ünvanlarda keçiriləcəyi ilə tanış olacaq".

Sonra R.Abbasov vurğulayıb ki, səfər ərəfəsində Çində sərbəst və yunan-Roma güləşi iızrə dünya çempionatı keçiriləcək: "Nazir Azad Rəhimovun iştirakı ilə biz orada Azərbaycanın prezentasiya diskinin təqdimatını edəcəyik. Bu da Azərbaycan idmanının tanıdılması ilə bağlı olacaq. Məqsəd 2007-ci ildə Bakıda keçiriləcək sərbəst yə yunan-roma güləşi üzrə dünya çempionatına ev sahibliyini əldə etməkdir". Nazirlik sözçüsünün dediyinə görə, bu məsələ ilə bağlı ilkin razılıq əldə olunub. Sadəcə olaraq bu razılıq rəsmən sentyabrın 23-də Çinin Quan-Çjou şəhərində təsdiqlənəcək.

Həftə içi.- 2006.- 15 sentyabr.- S. 7.