Rəsul M.

Üzeyir Musiqi Günü təntənə ilə keçirildi

Üzeyir Musiqi Günü artıq ölkəmizdə əsl bayrama çevrilib. Bu, hər şeydən əvvəl, son illər mədəniyyət sahəsinə artan qayğının təzahürüdür”. Bu fikri dünən Bakı Musiqi Akademiyasında Üzeyir Hacıbəyovun abidəsi önündə Üzeyir Musiqi Günü münasibətilə gerçəkləşən mərasimdə çıxış edən mədəniyyyət və turizm naziri Əbülfəs Qarayev dedi. Onun sözlərinə görə, təməli maestro Niyazi tərəfindən qoyulmuş bu gün Üzeyir Hacıbəyovun anadan olmasının 110 illik

yubileyi ərəfəsində ölkə rəhbəri Heydər Əliyevin fərmanı ilə rəsmiləşdirilib.

Üzeyir bəy haqqında hələ çox tədqiqat əsərlərinə ehtiyac duyuldığunu vurğulayan əməkdar incəsənət xadimi Ramiz Zöhrabov bu tanınmış şəxsiyyətin fəaliyyətinin çoxşaxəli olduğunu bir

daha üzeyirseverlərin diqqətinə çatdırmaqla yanaşı, onun dünya şöhrətli davamçılarından da

danışdı. Xalq artisti Siyavuş Kərimi: “Mən elə bir ölkə tanımıram ki, həmin ölkədə Azərbaycanda olduğu kimi, rəsmi şəkildə musiqi günü keçirilsin”, - dedi. Onun sözlərinə görə, Üzeyir bəy deyəndə Azərbaycan professional musiqisi, Azərbaycan professional musiqisi deyəndə isə Üzeyir bəy yada düşür. Elə bu günün böyük Üzeyirin adı ilə adlandırılması da bundan irəli gəlib. Tədbirdə Ü. Hacıbəyov adına Azərbaycan Dövlət Simfonik Orkestri, Dövlət Xor Kapellası və Müdafiə Nazirliyinin Nümunəvi Hərbi Orkestri Üzeyir bəyin, həmçinin digər

tanınmış bəstəkarların əsərlərindən fraqmentlər ifa etdilər.
Qeyd edək ki, bu bayram dünən Ü. Hacıbəyovun ev-muzeyində, M.F. Axundov adına Milli Kitabxanada, Bakı Dövlət Sirkində, S. Bəhlulzadə adına sərgi salonunda, eləcə də Milli Parkda keçirilib.

Zaman.-2006.-19-20 sentyabr.- S. 2.