Kəlbəcər həsrətli aşıqlar

Saz və söz ustaları konsert verdilər

Sentyabrın 22-də sazlı-sözlü aşıqlar bir araya gələrək tamaşaçılar üçün oxudular."Kəlbəcər həsrəti" adlı gecədə yalnız Kəlbəcər aşıqları çıxış etdilər. "Kəlbəcərin dərdini elə kəlbəcərlilər bilər" dedilər. Bu səbəbdən də həm öz fikirlərini tamaşaçılarla bölüşdülər, həm də onlara aşıq muiqisinin dadını təqdim etdilər. Son zamanlar saz musiqisinə maraq artıb ki, bu da sevindirici haldır. Bəlkə bu tipli tədbirlər çox olsa aşıq musiqisini sevənlərin də sayı artar.

Azərbaycan Aşıqlar Birliyinin təşkilatçılığıyla gerçəkləşən tədbir üç saat davam etsə də tamaşaçılar sona qədər aşıqları izlədilər. Öncə səhnəyə birliyin rəhbəri Zümrüd Məmmədova çıxaraq qonaqları salamladı və aşıqları təqdim etdi. Azad Şükürovun aparıcılıq etdiyi gecədə öncə səhnəyə Aşıq Əfqan çıxdı. Daha sonra isə Aşıq Qalib, Aşıq Gəncəli, Aşıq Qəmbər, Aşıq Elbrus, Aşıq Azər və başqaları çıxış edərək Kəlbəcərlə bağlı şeirləri söylədilər. Gecədə aşıqlar həm öz, həm də Kəlbəcər şairləri - Bəhmən Şücaətinin və başqalarının şeirlərini söyləyib, saz çaldılar. Gecədə deyişmələrə də kifayət qədər yer verildi. Kişi aşıqlar söz və sazla yarışdıqları sonra xanım aşıqlar öz məharətlərini göstərməyə başladılar. Aşıq Qızlar Ansamblındart Gülaya Şınıxlı, Qənirə Mehdixanlı, Zərnitac, Telli Borçalı və başqaları şeir deyişməsinə çıxdılar. Daha sonra isə kişi aşıqlar ilə xanım aşıqlar öz aralarında dəyişməyə başladılar. Proqram Aşıq Əfqanla Aşıq Qalibin müxəmməs söyləməsiylə yekunlaşdı.

Şərq.- 2006.- 26 sentyabr.- S. 14.