Nəzakət

Obrazlariı ilə sənət tarixində əbədiləşən aktyor

Azərbaycan Dövlət Gənc Tamaşaçılar Teatrının kollektivinə ağır itki üz vermişdir, Azərbaycan Respublikasının əməkdar artisti, istedadlı aktyor, tanımış sənətçi Mübariz Əlixanoğlu Paşayev 62 yaşında qəflətən vəfat etmişdir.

Mübariz Paşayev 1944-cü ilin iyul ayının 1-də Zəngilan rayonunda. anadan olmuşdur, O, 1968-ci ildə Azərbaycan Dövlət Mədəniyyət və İncəsənət Universitetinin dram və kino aktyoru fakültəsini bitirərək, təyinatla İrəvan Dövlət Azərbaycan Dram Teatrında ilk yaradıcılıq fəaliyyətinə başlamışdır, Bu teatrda C.Cabbarlının "Aydın" dramında Aydın və G.Xuqayevin "Arvadımın əri" komediyasında Kazbek obrazlarına uğurlu səhnə həyatı vermişdir. İstedadlı aktyor 1972-ci ilin 1 yanvar ayının 13-dən ömrünün son gününə qədər Azərbaycan Dövlət Gənc Tamaşaçılar Teatrında çalışmışdır. O, 33 il ərzin də bu teatrın səhnəsində xarakter etibarı ilə bir-birindən fərqli obrazları çox uğurla yaratmışdır. Belə obrazlardan Surxay (Q.İIkin"Təzə şagird"), Şirinbala (S.Qədirzadə "Şirinbala bal yığır"), Nazim (S.Xurşud "Məhəbbət novellası"), İmaməli (Ə.Əylisli "Mənim nəğməkar bibim"), Qasım (C.Məmmədquluzadə "Danabaş kəndinin məktəbi"), Ağamusa (Ə.Əylisli "Yazığam, sevmə məni"), Ezop (G.Fİqeyredo "Ezop"), Egeon (V.Şekspir "Səhvlər komediyası"), Don Rafael (İspan xalq rəvayətlərinin motivləri əsasında "Zorro") və başqalarını göstərmək olar.

Mübariz Paşayev Azərbaycan televiziyası və kinostudiyası ilə də sıx əməkdaşlıq etmiş, bir sıra yaddaqalan obrazlara maraqlı ekran həyatı vermişdir.

Azərbaycan milli teatr sənətinin inkişafındakı xidmətlərinə görə Mübariz Əlixan oğlu Paşayev respublikanın əməkdar artisti fəxri adına layiq görülmüşdür.

Amansız ölüm, hələ də parlaq obrazlar yaratmaq imkanına malik istedadlı aktyor Mübariz Əlixanoğlunu 62 yaşında aramızdan apardı. Onun işıqlı xatirəsi həmişə onu tanıyanların və teatrsevərlərin xatirəsində qalacaqdır. Allah rəhmət eləsin!

Səs.- 2006.- 6 sentyabr.- S. 12.