Azərbaycanda Rusiya İli çərçivəsində keçirilən və ölkəmizin mədəni həyatında əlamətdar hadisəyə çevrilən Birinci Beynəlxalq Rus Kitabı festivalı sentyabrın 16-da başa çatmışdır.
Festivalın sonuncu günü rus kitablarının yarmarka-satış sərgisi keçirilmişdir. Yarmarka bakılıların çox böyük marağına səbəb olmuşdur. Tarix və fəlsəfə,
bədii ədəbiyyat
və uşaq ədəbiyyatı, dərsliklər,
çağdaş müəlliflərin
əsərləri və
s. kitabsevərlər üçün
əsl hədiyyə idi. Yarmarkaya gələnlər nəşrlərin çeşidlərindən də, qiymətlərindən də razı qalmış, onun təşkilatçılarına minnətdarlığını bildirmişlər. Yekdil arzu belə idi ki, bu cür festivallar mütəmadi keçirilsin, belə tədbirlər Azərbaycan ilə Rusiya arasında mədəni əlaqələrin və ənənəvi dostluq münasibətlərinin möhkəmlənməsinə təkan verəcəkdir.