Rus Kitabı festivalının
iştirakçıları Bakı Slavyan Universitetində olmuşlar
Sentyabrın 16-da Bakı Slavyan
Universiteti professor-müəllim
heyəti və tələbələrinin Birinci
Beynəlxalq Rus Kitabı festivalının
iştirakçıları ilə görüşü
keçirilmişdir.
BSU-nun rektoru, professor Kamal
Abdullayev qonaqları -
əsərlərindən yaxşı
tanıdığımız, təkcə Rusiyada deyil, həm də dünyada məşhur ədəbiyyatçıları,
yazıçıları, şairləri
səmimi salamlamışdır.
Tənqidçi, tərcüməçi,
Qorki adına Ədəbiyyat İnstitutunun
keçmiş rektoru Yevgeni Sidorov qonaqları təqdim edərək xatırlatmışdır
ki, Azərbaycan xalqının ümummilli
lideri Heydər Əliyevin dəvəti ilə vaxtilə Bakıya gəlmiş, burada institutda təhsil almaq üçün istedadlı
gəncləri seçmişdi.
Məşhur yazıçı
Çingiz Aytmatov tələbə və müəllimləri qırğız
dilində salamlayaraq demişdir: "Gənclərlə
görüşlərin mənim
üçün həmişə
xüsusi əhəmiyyəti
var. Nə qədər ki,
gənc nəsil mənim kitablarıma maraq göstərir, özümü xoşbəxt
sanıram. Fürsətdən
istifadə edərək
demək istəyirəm
ki, mənim yeni "Dağlar dağılanda" romanım
"Drujba narodov" jurnalının 7-ci nömrəsində
dərc edilmişdir. Bir həftədən sonra Moskvada və Sankt-Peterburqda romanın nəşrinə başlanacaqdır.
Bu roman müasir həyatımızdan bəhs
edir. Mən hər birimizə
toxunan qloballaşmanı
və yeni dünyada insan taleyini təsvir etməyə çalışmışam.
Kitab bütün biliklərin, bütün mədəniyyətlərin
məcmusudur, televizor və kompüter heç vaxt onu əvəz edə bilməz. O həmişə bizim yanımızda olmalıdır.
Rus kitabına gəldikdə isə, hətta küçədə bir dənə də rus dilində lövhə asılmasa, bu, hələ heç nəyə işarə deyildir. Rus dili bizdən ötrü milli mühitdən kənara çıxmaq üçün
daxili aləmimizi dərk etmək vasitəsi olmuş və olacaqdır. O bizi dünya orbitinə çıxarır.
Bir çox yazıçılar,
o cümlədən Azərbaycan
yazıçıları rus
dilinə tərcümə
sayəsində tanınmışlar.
Bunu mən öz barəmdə də deyə bilərəm.
Mənim
bir çox kitablarım dünya meydanına rus dili sayəsində çıxmışdır".
Çingiz Aytmatov tələbələrə
uğurlar və Bakı Slavyan Universitetinə tərəqqi
arzulamışdır.
Sonda qonaqlar öz kitablarını BSU-nun kitabxanasına
hədiyyə etmişlər.