Əliyeva M.

Uşaq İnformasiya mərkəzi

Açıq Cəmiyyət İnstitutu Yardım Fondunun maliyyə dəstəyi ilə adına Respublika anası Kürdəmir Rayon Mərkəzləşdirilıniş Kitabxana Sistemində seminar-treninq keçirmişdir. Seminar treninqi M.F. Axıındov adına Respublika Dövlət Kitabxanasının əməhdaşları Mələk Hacıyeva, Kərim Tahirov, Səmayə Quliyeva, Tamilə Həsənova, Xuraman İsmayılova və Nazlı Şahbazova aparmışlar.

Seminar-treninqdə Kürdəmir Rayon Mərkəzləşdirilmiş Kitabxana Sistemi, Rayon Uşaq Kitabxanası və bir neçə kənd kitabxana fılialının kitabxana işçiləri iştirak etmişlər.

Açıq Cəmiyyət İnstitutu Yardım Fondu Kitabxanalar Proqramı çərçivəsində kitabxanaların funksional inkişafı, həmçinin avtomatlaşdırma prosesinə kömək məqsədilə müsabiqə elan etmişdir.

Açıq Cəmiyyət İnstitutu Yardım Fondunun kitabxanalara kömək məqsədilə keçirdiyi bu müsabiqədə yeddi rayonun kitabxana işçiləri iştirak etmişlər və həmin rayonun üçü qalib gələrək qrant almışdır.

Həmin qaliblərdən biri də Kürdəmir Rayon Uşaq Kitabxanası olmuşdur. 2550 ABŞ dolları məbləği dəyərində kompüter dəsti alınıb verilmişdir.

Kürdəmir Rayon Uşaq Kitabxanası bu kompüter vasitəsilə internet şəbəkəsinə qoşulmuşdur.

Son iki il ərzində rayonumuzda mədəniyyətin inkişafı xeyli yüksəlmişdir. Belə ki, rayonumuzda Mərkəzləşdirilmiş Kitabxana Sisteminin təmiri, "Gənc heydərçilər" Mədəniyyət və İncəsənət parkının tikintisi, Kürdəmir Dövlət Rəsm Qalereyasının açılışı, kənd kitaxana filiallarının, kənd mədəniyyət evi və klublarının təmiri, yeni binalara köçürülməsi Kürdəmir Rayon İcra Hakimiyyətinin başçısı cənab Nazim Babayevin əvəzsiz zəhmətinin nəticəsidir.

Onun köməyi ilə uşaq kitabxanası üçün bina ayrıldı. Bina təmir edilib uşaqların ixtiyarına verildi. Bu da balaca oxucularımız üçün ən böyük hədiyyə oldu.

Kürdəmir Rayon Uşaq Kitabxanasının yarım əsrdən çox tarixi vardır. 50 ildən çoxdur ki, uşaq kitabxanası öz oxucularına yüksək səviyyədə xidmət edir. İllər keçdikcə kitabxananın fondu böyüyür, oxucuların sayı çoxalır. İndi uşaq kitabxanasının kitab fondu 5400 nüsxədir. Bu fond vasitəsi ilə 2000-dən artıq oxucuya xidmət göstərilir.

Gələcəyimiz olan məktəbli oxucuların elmi biliklərə dərindən yiyələnməsi, uşaqların dünyagörüşünün formalaşması və onların asudə vaxtlarının səmərəli təşkili üçün uşaq kitabxanası xeyli iş görmüşdür. Məktəbli oxucuların sorğularını öyrənmək, onların marağını istiqamətləndirmək məqsədi ilə elmin müxtəlif sahələri üzrə ədəbiyyatların təbliği kitabxananın əsas iş prinsipidir.

Gənc nəslin mənəviyyatca zəngin, yüksək əxlaqlı vətəndaş kimi formalaşması üçün elmin müxtəlif sahələri üzrə ədəbiyyatların təbliğinə burada xüsusi fıkir verilir.

Uşaqlarda hərbi-vətənpərvərlik ruhunu yüksəltmək məqsədilə kitabxanalarda sərgilər təşkil olunur, uşaqlarla fərdi və kütləvi söhbətlər aparılır.

Uşaqlar arasında Azərbaycan tarixinə dair ədəbiyyatlar təbliğ olunur. Bu təbliğat əyani və şifahi formada aparılır.

Kitabxana əsasən 14 yaşına qədər uşaqlara xidmət edir. 1 və 3-cü sinif şagirdlərinə isə kitabxana səyyar yolla xidmət göstərir.

Uşaq kitabxanasına 9 nəfərdən ibarət Fəallar şurası seçilmişdir. Həmin fəalların köməyi ilə kitabları gecikdirən oxucuların evlərinə gedişlər olunur, evlərarası xidmət işi təşkil olunur.

Rübdə bir dəfədən az olmayaraq Şura üzvlərinin uşaq kitabxanasında iclası keçirilir, onlarla fərdi söhbətlər aparılır.

Uşaq kitabxanasında əlamətdar tarixi günlərlə bağlı sərgilər təşkil olunur, bu sərgilərə dair tədbirlər keçirilir.

Dürriyə Seyidova 1986-cı ildə BDU-nun kitabxanaçılıq fakültəsini bitirib. O, əvvəlcə kitabxanaçı, daha sonra isə uşaq kitabxanasının müdiri işləmişdir.

Uşaq kitabxanasında 3 nəfər kitabxanaçı çalışır: Nərgiz İsayeva, İlhamə Hüseynova, Gülşən Mustafayeva.

Dürriyə Seyidova həm də gözəl təbliğatçıdır. Yeni gələn kitabları əvvəlcə özü oxuyur, kitabxanaçılarla müzakirə edir. Daha sonra isə bu kitablar oxucular tərəfindən istifadə olunur.

Kitabxanada "Nağıllar aləmində", "Dünyamız uşaqların gözü ilə" və sair daimi guşələr vardır ki, bu da balaca oxucularımız tərəfindən çox böyük maraqla qarşılanır.

Bu yaxınlarda Kürdəmir rayon uşaq kitabxanasında "Uşaq İnformasiya Mərkəzi"nin açılışı olmuşdur. Açılışda Kürdəmir Rayon İcra Hakimiyyətinin başçısı cənab Nazim Babayev başda olmaqla icra hakimiyyətinin nümayəndələri, Kürdəmir rayon xalq hakimi Təranə Hüseynova, bütün idarə və təşkilatların nümayəndələri iştirak etmişlər.

Tədbiri Kürdəmir Rayon Mədəniyyət Şöbəsinin müdiri Vaqif Alıyev açaraq bütün qonaqlan salamlamış və onlara "Uşaq İnformasiya Mərkəzi"nin açılışında iştirak etdiklərinə görə öz minnətdarlığını bildirmişdir.

Vaqif Alıyev öz çıxışında qeyd etmişdir ki, rayonumuzun icra başçısı cənab Nazim Babayevin diqqəti və qayğısı nəticəsində Kürdəmir rayonunun mədəniyyəti xeyli inkişaf etmişdir. 2 il bundan qabaq yeri olmayan uşaq kitabxanasının indi yaraşıqlı binada yerləşdirilməsi, Kürdəmir "Uşaq İnformasiya Mərkəzi" üçün ümumi sahəsi 40 kv.m. olan 2 otağın ayrılması və tam təmir olunaraq kitabxanaya verilməsi, həmin mərkəzə elektron telefon xətti çəkilməsi rayonumuzun icra başçısının böyük qayğısının nəticəsidir.

Vaqif müəllim bu qayğıya görə bütün mədəniyyət işçiləri adından Nazim müəllimə öz minnətdarlığını bildirdi və başçıya söz verdi ki, bütün mədəniyyət işçiləri öz əməli işləri ilə onun bu əvəzsiz zəhmətini itirməyəcəklər.

Gənc heydərçilər umummilli liderimiz Heydər Əliyevə həsr olunmuş şerlərlə qonaqlar qarşısında çıxış etmişlər.

Sonra uşaq kitabxanasının müdiri Dürriyə Seyidova, məktəbli Ellada İsmayılova və b. çıxış etmişlər ki, müasir kitabxana təkcə kitabxanaçı funksiyasını yerinə yetirmir. Bu günün kitabxanası qlobal informasiya mənbəyidir. Elmin və texnologiyanın son nailiyyətləri artıq dünyanın ən inkişaf etmiş ölkələrinin kitabxanasında təbliğ edilərək oxucuya xidmət işində istifadə olunur. Açıq Cəmiyyət İnstitutu Yardım fondunun kitabxanaların avtomatlaşdırılması məqsədilə gördüyü işlər bu günümüz üçün ən dəyərli bir vasitədir.

Sonda Kürdəmir Rayon İcra Hakimiyyətinin başçısı Nazim Babayev çıxış edərək ümummilli liderimiz Heydər Əliyevin anadan olmasının 81-ci ildönümü və alman faşizmi üzərində qələbənin 59-cü ildönümü münasibətilə bütün tədbir iştirakçılarını təbrik etmiş və bu tədbirin həmin xoş günə təsadüf etməsini kürdəmirlilərin ümummilli liderimizə olan məhəbbəti kimi dəyərləndirmişdir. Rayon icra başçısı eyni zamanda "Uşaq İnformasıya Mərkəzinin" və internet şəbəkəsinin böyük əhəmiyyətindən damşmışdır. İndi uşaq kitabxanası internet vasitəsilə respublikanın bütün kitabxanaları ilə əlaqə saxlaya biləcək.

Mədəni-maarif işi.- 2006.- № 7.- S. 16-17.