Mədəniyyətə dair məqalələr müsabiqəsi elan edilib

Mədəniyyət və Turizm Nazirliyi "Mədəniyyətimiz sərvətimizdir" devizi altında "Müasir Azərbaycan mədəniyyəti: problemlər və perspektivlər" mövzusunda elmi məqalələr müsabiqəsi elan edib. Müsabiqə gənc alim, aspirant və magistr-bakalavrlar arasında üç nominasiyada keçiriləcək. Müsabiqədə iştirak etmək istəyənlər sənədlərini aprelin 24-dək nazirliyə təqdim edəcəklər.

Qeyd edək ki, qaliblərin mükafatlandırılması mayın 5-də Milli Kulturoloqlar Forumunun ilk plenar iclasında həyata keçiriləcək. Mədəniyyət və Turizm Nazirliyi müsabiqəyə təqdim olunmuş məqalələri toplu şəklində nəşr etdirəcək. Hər nominasiya üzrə I, II, III yerlər üçün 500, 300 və 200 manat mükafat veriləcək. Eyni zamanda, 100 manatlıq həvəsləndirici mükafat da nəzərdə tutulub

Kaspi.-2007.-7-9 aprel.-S.20.