Qədim “Daş körpü”də bərpa işləri aparılır

 

Qala divarlarının 8 metrlık hissəsi torpağın altında qalıb

 

Şəmkir rayonunda 40-a yaxın tarixi abidə mövcuddur. Bu abidələr sırasında ən qədimi Şəmkir şəhər xarabalığı, ən möhtəşəmi isə XVII əsrə aid edilən Şəmkir qalasıdır.

Rayon Mədəniyyət Turizm idarəsinin rəisi Hidayət Məmmədovun APA-nın Qərb bürosuna verdiyi məlumata görə, hazırda Şəmkir qalasına gedən yolda, Şəmkir çayı üzərindən keçən "Daş körpü" adlanan qədim körpüdə bərpa işləri aparılır. "Ötən il Mədəniyyət Turizm Nazirliyinin icazəsiylə Azərbaycan Milli Elmlər Akademiyasının nümayəndələri Şəmkir qalasında tədqiqatlar aparıb. Tədqiqat zamanı məlum olub ki, qala divarlarının 8 metrlik hissəsi torpağın altında qalıb. Əgər, qazıntı işləri aparılarsa, o zaman bu möhtəşəm abidənin əvvəlki görkəmi tam bərpa olunar". Hidayər Məmmədovun sözlərinə görə, 2004-cü ildə AMEA-nın nümayəndələri Zəyəm çayında Qaracəmilli kəndi yaxınlığında arxeoloji qazıntılar aparıblar. Qazıntılar zamanı Zəyəm çay yatağında eradan əvvəl 3-4-cü əsrlərə aid olan nekropol aşkar edilib bu nekropola "Zəyəm nekropolu" adı verilib.

 

Şərq.- 2007.- 20 aprel.- S. 14.