Mehriban

Turizm İnstitutunun tələbələri Türkiyədə oldular

Bir ilə yaxındır ki, fəaliyyət göstərən Azərbaycan Turizm İnstitunun turizm əhəmiyyətli yerlərində olaraq, dünyagörüşlərini artırmağa çalışırlar. Bu vaxta qədər bir neçə tələbə Azərbaycanı gəzməklə yanaşı, Türkiyəyə də səfər edib. Martın 14-də və 18-də Çanaqqala şəhidlərini yadetmə ərəfəsində institutun üç tələbəsi - Araz Qasımlı (menencmentlik fakültəsi), Şahin Xəlilov (menencmentlik fakültəsi) və İlkin Rüstəmov (marketinq fakültəsi) "Babaların tarixi zəfər və şəhadət yolu" adlı Azərbaycan-Türkiyə birgə beynəlxalq turizm layihəsinin iştirakçısı olublar.

Türkiyədən böyük təəssüratlarla qayıdan tələbələr İstanbulda və

Çanaqqalada olub buranın turizm əhəmiyyətli yerləri ilə tanış olublar.

Bununla yanaşı, Çanaqqala şəhidlərini yadetmə ərefəsində şəhidlərə ucaldılmış abidəni də ziyarət ediblər. Təəssüratlarını bizimlə bölüşən Araz Qasımlı bu səfəri Azərbaycanla Türkiyə arasında əlaqələri daha da genişləndirmək, onların qəhrəmanları ilə tanış olmaq şansı kimi qiymətləndirdi: "İstanbulda olduğumuz müddətdə "Sultanəhməd", "Dolmabahçe", "Topqapı" saray, "Taksi" meydanında və bır sıra başqa yerlərdə olduq. Atatürk muzeyi ilə də tanış olduq. Bu gün İstanbulda qaldıqdan sonra Çanaqqalaya getdik və şəhidlərin ruhuna ucaldılmış "Böyük şəhidlik" abidəsini ziyarət etdik. Bu abidəni yad edənlər arasında Türkiyənin bütün ərazilərindən gələnlərlə yanaşı, xarici vətəndaşlara da rast gəlmək olurdu". Şahin Xəlilov: "Bu səfərin məqsədi Turkiyəni görmək, oranın tələbələri ilə tanış olmaq, əlaqələr qurmaq idi. Bununla yanaşı, turizm haqqında biliklərimizi genişləndirmək üçün turizm əhəmıyyətli yerlərlə tanış olduq. Onu da qeyd edim ki, "Böyük şəhıdlik" abidəsıni ziyarət edərkən Çanaqqala şəhidlərinin məzarları arasında azərbaycanlı şəhidlərin də məzarlarına rast gəldik". Tələbələr söhbət asnasında olduqları yerlər haqqında da məlumat verdilər. "Yerəbatan Sarnıcı" yeraltı muzeyi hqqqında bildiklərini söyləyən İlkin Rüstəmov dedi: "1453-cü ildə Kpnstantinopolun fəthindən əvvəl bizanslılar buradan

yeraltı su anbarı kimi istifadə ediblər. Osmanlılar bu əraziləri tutduqdan sonra duzlu su içməli su kimi yararlı olmadığı üçün bundan istifadə olunmayıb. Türk dövləti qurulandan sonra da həmin ərazi restavrasiya olunaraq, muzey kimi istifadəyə verilib". Türklərin azərbaycanlı həmkarlarının doğma qardaş kimi qarşılamalarından ağızdolusu danışan tələbələr bildirdilər ki, Çanaqqalada olduqları vaxt boğazda türklərlə rastlaşıblar: "Onlar burada öz bayraqlarını qaldıraraq müxtəlif şüarlar səsləndirirdilər. Türk qardaşlarımız bizi öz bayrağımızla görəndə "Ya Qarabağ, ya ölüm!", "Bir millət, iki dövlət!" şüarlarını səsləndirməyə başladılar". Tələbələr layihə çərçivəsində Zaqatalaya da səfər ediblər.

Daha sonra bu yaxınlarda Zaqatalaya gedən beş tələbə ilə - turizm və sosial-mədəni servis fakültəsinin tələbələri Hüseyn Həsənov və İsmayıl İsmayılovla, menecmentlik fakültəsinin tələbələri Xəyal Ələsgərov və Cavad Cavadovla, marketinq fakültəsinin tələbəsi Şahin Axundovla söhbətləşdik. Qeyd edək ki, Zaqatala ilə ümumi tanışlıq ərəfəsində tələbələr "Yaşıl turizm" adlı konfransda da iştirak ediblər. 20-dən çox turist şirkətinin iştirak etdiyi konfransda tələbələri seminar-konfranslara cəlb etməklə onlara iş yeri qazanmaq imkanının vacibliyi bildirilib. Bundan başqa, təbiətin qorunması, turizmin təbiətə təsiri və ekologiya ilə bağlı bir sıra məsələlər də konfransda müzakirə olunub.

Tələbələr Zaqatalada olduğu müddət ərzində bir sıra yerlərdə - Zaqatala Fındıq Zavodunda, "Çingiz" qalada, Heydər Əliyev adma parkda, müxtəlif qoruqlarda, çay fabrikində, həmçinin Zaqatalada fəaliyyət göstərən bir sıra hotellərdə də olublar. Konfransda müxtəlif şirkətlərlə Baş Turizm İdarəsı arasında əməkdaşlıq söhbətləri də aparılıb. Xatırladaq ki, tələbələrin Zaqatalaya səfəri 23-25 mart tarixlərində gerçəkləşib. Konfransda tələbələrə iştirakına görə sertifıkatlarda təqdim olunub. Hüseyn Həsənov səfərlə bağlı bunları dedi: "Zaqatala haqqında bildiklərimizi orda olmaqla əyani şəkildə gördük. Bundan əlavə, biz hotel, turizm, restoran işi ilə daha yaxından tanış olduq, xidmətlər haqqında bildiklərimizi daha da genişləndirdik. Zaqatalanın turizm imkanları ilə, təbiəti, ehtiyat resursları, mövcud turizm infrastrukturu ilə tanış olduq. Olduğumuz konfransda 20-dən artıq turızm şirkətinin nümayəndələri iştirak edirdi. Hətta həmin şirkətlər arasında bizə iş təklifı edənlər də oldu. Hələ bu sahəni təzə öyrəndiyimiz üçün yayda təcrübə toplamağı lazım bildık. Bu səfərdə biz çox böyük təcrübə topladıq. Konfransın əsas məqsədi isə daimi turizmdə yaşıl turizmin, ekoloji turızmin yeri idi". Şahin Axundov: "Mən orda bəzi turizm şirkətlərini tanıdım. Marketinq fakültəsində oxuduğum üçün bir şirkətin marketinq üzrə direktoru ilə tanış oldum. O, mənə gələcək işimdə dəyərli məsləhətlər verdi. Zaqatalanın təbiəti çox xoşuma gəldi".

Xəyal Əlasgərov: "Zaqatala qoruğunda olub, buranın flora və faunası ilə tamş olduq. Zaqatalada hansı çay növlərinin olduğunu öyrəndik. Konfransda ekoturizm barəsində, yaşıllığın qorunması, genişləndirilməsi, rayonlarda turizm bazalarının geniş perspektivlərinin tanıdılması ılə məlumatlandırıldıq. Turizm sahəsində oxuyan tələbələrə də söz verildi və biz konfransın iştirakçısı kimi çıxış etdik". Qeyd edək ki, institutun Zaqatala və Türkiyəyə səfəri bu il çərçivəsində olub. Bu layihələrin davamı olaraq, Turizm İnstitutu başqa bir səfərə də hazırlaşır. Belə ki, yay mövsümündə tələbələr Nuru paşanın Bakını azad edərkən gəldiyi yol istiqamətində səyahətə çıxacaqlar. Bu yol Türkiyə, Naxçıvan, Gəncə, Bakı istiqamətində idisə, tələbələrin gedəcəyı yol da eynilə, lakin əks - Bakı, Gəncə, Naxçıvan, Türkiyə istiqamətində olacaq.

Yaddaş.- 2007.- 12 aprel.- S. 10.