Nigar

Beynəlxalq “Turizm və Səyahətlər” Sərgisi başlayıb

Sərgidə dünyanın 18 ölkəsinin 40-dan çox şirkəti iştirak edir

Artıq ölkəmizdə ənənəvi olaraq təşkil edilən Azərbaycan Beynəlxalq "Turizm və Səyahətlər" Sərgisi bu il Vl dəfədir ki, keçirilir. Bu il sərgi dünyanın 18 ölkəsindən 40-dan çox şirkət toplayıb və ekspozisiya sahəsini ötən ilə nisbətən 25 faiz artırıb. Bu sərginin turizm həftəsi çərçivəsində keçirildiyini deyən MTN-nin turizm şöbəsinin müdiri Aydın İsmiyevin sözlərinə görə, sərgidə həmçinin "Babaların zəfər yolu" layihəsi də təqdim olunacaq. Son illər ölkədə turizm inkişaf səviyyəsinin daha da artdığını deyən A.İsmiyevin sözlərinə görə, bu ölkədə keçirilən sərgidə iştirak edən şirkətlərin sayında da özünü göstərir. Əgər 2002-ci ildə ölkədə mehmanxana və mehmanxana tipli obyektlərin sayı 94 olubsa, 2006-cı ildə bu rəqəm 284-ə çalıb. Bu il keçirilən sərgidə Bolqarıstan, Kataloniya, Çin və Tatarıstan kimi ölkələr ilk dəfə təqdim olunacaq. A.İsmiyev bildirdi ki, bu ilki sərgidə daha bir yeni layihə olan "Otel Biznesi" üzrə I Azərbaycan NOTELEXPO Sərgisi keçiriləcək: "Bu sərgini təşkil etmək fikri Azərbaycanda turizm sektorunun fəal inkişafı və bunun nəticəsində yeni mehmanxanalar və digərlərinin tikilişi, mövcud mehmanxanaların bərpası ilə əlaqədar meydana gəlib. Beləliklə, mehmanxanalar otel və əyləncə mərkəzlərinin təchizatı üçün tələb olunan keyfiyyətli texnologiyalar, avadanlıq və materialların alınması məsələsi ilə üzləşir. İlk sərgidə isə 14 şirkət iştirak edir. Debütünə baxmayaraq, sərgi aparıcı xarici istehsalçıların böyük marağına səbəb olub".

"Turizm və Səyahətlər" Sərgisinin iştirakçıları arasında "AB TTAVEL", "AIT-NRG", "ATLANT", CASPİAN TRAVEL AGENCY", "KARABAKH" kimi Azərbaycan şirkətləri ilə yanaşı, ARABİAN ODÜSSEÜ (BƏƏ), ISCRA TOUR OPERATOR (İtaliya), SOLAR EMPIRE (Misir), TOURISM MALAÜSIA (Malaziya), TURKISN AIRLINES (Türkiyə), INSTITUT AUF DEM ROSENBERQ (İsveçrə) və digər xarici şirkətlər də var.

Sərgi zamanı yerli və xarici turizm sektorları üzrə təqdim olunacaq məhsullar sırasında milli və regional turizm təşkilatları, turizm operatorları və turizm agentləri, hava yolları və agentlikləri, mehmanxanalar, pansionatlar, sanatoriyalar, avadanlıq, təyyarə biletlərinin sifarişi və satışı, fəal və sərgüzəştli istirahət, təhsil turizmi, uşaqlar üçün turizm və s. var.

Ölkəmizdə keçirilən bu sərginin hər il minlərlə ziyarətçi topladığını deyən sərginin meneceri S.Bünyatova bildirdi ki, bu il də səyahət sevərlər arzularına və maliyyə imkanlarına müvafiq olaraq turizm üzrə məsləhətçilərin köməyi ilə turizm marşrutları seçə biləcək. Sərginin baş sponsoru AZAL Milli hava Yollan, təşkilatçılar isə "İteca Caspian LLC" və onun həmkarı Böyük Britaniyanın "İTE Grour PLC" sərgi şirkətidir.

Palitra.- 2007.- 18 aprel.- S.10.