Turizm İnstitunda elmi-praktik konfrans

Aprelin 19-da Turizm İnstitutunda "Azərbaycan turizmi: bu gün və sabah" mövzusunda keçirilən I respublika elmi-praktik konfransında turizmin inkişafı, tələbələrin ölkəmiz üçün yeni olan bu hərəkata münasibəti məsələləri nıüzakirə edilmişdir. Konfransı tələbə elmi cəmiyyətinin dəstəyi ilə institut və Turizm Klubu təşkil etmişlər.

İnstitutun rektoru Cəfər Cəfərov bildirmişdir ki, konfrasın mövzusundan göründüyü kimi, biz dünya turizminə inteqrasiyanı sürətləndirməli və onun ən yaxşı ənənələrini əxz etməliyik. Turizm sənayesinin ən yüksək səviyyəyə qalxdığı Türkiyə buna misal ola bilər. Azərbaycanın bu cür nəticələrə nail olmaq üçün kifayət qədər potensialı vardır.

Mədəniyyət və Turizm naziri Əbülfəs Qarayev diqqəti belə bir fakta cəlb etmişdir ki, institutun fəaliyyət göstərdiyi ilk ildən konfransların keçirilməsi təcrübəsinə başlanılmışdır. Bu, kifayət qədər ciddi göstəricidir.

Tələbə Qəbulu üzrə Dövlət Komissiyasının sədri Məleykə Abbaszadə turizm sahəsində mütəxəssislər hazırlayan institutun fəaliyyətə başlamasını düzgün seçim və istiqamət kimi səciyyələndirmişdir. O, institutun gələcək məzunlarının işini diplomat fəaliyyətinə bərabər tutaraq, ümidvar olduğunu bildirmişdir ki, tələbələr bu təhsil müəssisəsində dərs deyən mütəxəssislərdən çox şey öyrənəcəklər. Bölmələrdə işini davam ctdirən konfransda Təhsil Nazirliyinin nümayəndələri, ali məktəblərin rektorları və Türkiyədən gəlmiş qonaqlar iştirak etmişlər.

Xalq qəzeti.- 2007.- 20 aprel.- S. 6.