Azərbaycanda turizmin
inkişafına yönələn layihənin yeni
mərhələsi başlayıb
Dünən "Daxili turizmin
səmərəli inkişafına
kömək etməklə
Azərbaycanda yoxsulluğun
azaldılmasında Mədəniyyət
və Turizm Nazirliyinə institusional yardım" layihəsinin
ikinci mərhələsinin
başlanmasına dair
sənədlərin imzalanması
mərasimi keçirilib. Layihə Azərbaycan hökuməti
və BMT İnkişaf
Proqramı tərəfindən
maliyyələşdirilir. İki
illik layihə yeni təsis edilən Azərbaycan Turizm İnstitutuna
(ATİ) bu sahədə
təhsilin inkişaf etdirilməsində instiusional
yardımın göstərilməsinə
yönəldilib. Burada eyni
zamanda layihənin birinci hissəsində açılan (Bakı, Şamaxı, Xaçmaz və Şəki) və ikinci mərhələ ərzində
fəaliyyətə başlayacaq
(Gəncə, Naxçıvan,
Lənkəran və Quba) regional turizm informasiya mərkəzlərinin işinə
kömək göstərilməsi
də nəzərdə
tutulub. Tədbirdə
çıxış edən
mədəniyyət və
turizm naziri Əbülfəs Qarayev bu layihə sayəsində böyük
uğurlar əldə
ediləcəyini əminliklə
vurğulayıb. Nazir
layihənin Azərbaycanda
turizm sahəsinin inkişafına əlavə
təkan rolu oynayacağını söyləyib:
"Milli turizm sahəsində təhsil standartlarını yüksəltmək
və beynəlxalq tələblərə cavab
verməsini təmin etmək baxımından bu layihə bizim üçün çox faydalı olacaq. Eyni zamanda
layihənin həyata keçirilməsi turizm xidmətlərinin keyfiyyətinin
yüksəlməsinə və
məşğulluq imkanlarının
çoxalmasına şərait
yaradacaq". Layihəyə
dair sənədləri
mədəniyyət və
turizm naziri Əbülfəs Qarayevlə
BMT İnkişaf Proqramının
ölkəmizdəki nümayəndəsi
Bruno Pueza imzalayıb.
525-ci qəzet.-2007.-3 aprel.-S.7.