5+ sərgisi keçirildi

Dünən Mərkəzi Muzeydə 5+ adlı sərgi keçirildi. Bu sərgi Azərbaycan Respublikası Mədəniyyət və Turizm Nazirliyi, Yaradıcı Təşəbbüskarlar Assosiasiyası və Azərbaycan Rəssamlar İttifaqının təşəbbüsü ilə baş tutdu. Sərgi zalında 5 nəfər gənc rəssamın fərdi əl işləri nümayiş olundu. Vüqar Muradov "Əbədiyyət", Mahmud Rüstəmov "Təcavüzkar gözəlçələr", Nairə Rüstəmova "Nar şirəsində sevgi", Teymur Rüstəmov "Rəng bölgüsü", Niyaz Nəcəfov "Adsız" və digər mövzularda əsər yaratmaqla tədbirə gələn iştirakçılara öz qabiliyyətlərini nümayiş etdirdilər. Bir sözlə, sərgidə səbəbkarların bir-birindən fərqli əsərləri, qeyri-adi rənglərdən istifadə etmə bacarıqları sərgi iştirakçılarına xoş təsir bağışladı. Sərgi aprelin 16-dək davam edəcək.

Üç nöqtə.-2007.-11 aprel.-S.13.