İranda Azərbaycan
mədəniyyətini təbliğ edərkən daima
Bakıdan dəstək alırıq
Bir neçə gün bundan öncə İranın
Urmiya şəhərindən Bakıya təşrif buyuran
güneyli soydaşlarımız zəngin
təəssüratlarını bizimlə bölüşdülər.
Peyman və Əli
Rzayi şəhərimizə
qonaq qismində gəldiklərini qeyd etdilər. Bakıya ilk səfərlərinin olduğunu vurğulayan qonaqlar ilkin təəssüratlarının zənginliyini dilə gətirdilər. Peyman bu gəlişin uzun illərin həsrətindən sonra gerçəkləşməsindən çox sevindiyini dedi: "Bu arzu illərdir ki, qəlbimdə kök salıb. Nəhayət ki, arzum gerçəkləşdi.
Buna görə özümü çox xoşbəxt hiss edirəm". Xalqımızın mədəni irsi
ilə çox maraqlandığını dilə
gətirən qonaq özü və o taydakı fəaliyyəti haqqında
da məlumat verdi: "15 ilə yaxındır ki, Azərbaycan mədəniyyətinin
təbliği üçün
çalışıram.Mən
iqtisadiyyat fakültəsini
bitirsəm də, Anadolu sazı çalmaqdan daha çox zövq alıram.Bakıda olarkən təsadüfən
bir kitab evində Yazıçılar
Birliyinin katibi Ədalət Əsgəroğlu
ilə görüşdüm
və o, bizi Birliyə dəvət etdi, tanışlığımızdan məmnunluq duyduq. Biz istəyirik ki, Bakı ilə mədəni əlaqələrimizi,
xüsusilə də musiqi sahəsində təmaslarımızı genişləndirək.
İranda "Sevinc",
"Buta" adlı ədəbi-mədəni dərnəklər fəaliyyət
göstərir.Bu dərnəklərə gənc
yazıçılar, tarixçilər
toplaşaraq fikir mübadiləsi aparırlar". Peyman gələcəkdə Anadolu sazında ifa etdiyi türkülərdən
ibarət disk, yaxud kaset hazırlamağı
düşünür.Tehranda Azərbaycan mədəniyyəti
həftəsində , "O olmasın, bu olsun" tamaşasında
iştirakından danışan
soydaşımız İranda
belə mədəni tədbirlərin tez-tez
keçirilməsi barədə arzusunu
dilə gətirdi. Əli Rzayi doğma mədəniyyətimzə
dəyər verilən
bir ailədə,
"Sarı gəlin"
mahnısının sədaları
altında boya-başa
çatdığını, hələ uşaqlıqdan
Üzeyir Hacıbəyovun
"Koroğlu" operasının,
Şövkət Ələkbərovanın
ürəyəyatan səsinin
vurğunu olduğunu söylədi. Qonaq 4 ilə yaxın bir müddətdir ki, Azərbaycan tarına ürəkdən
meyl salıb: "Mən əvvəllər türk sazında ifa edirdim, lakin
sonra doğma tara olan maraq
onu üstələdi".
Soydaşımız İranda mədəni
irsimizin təbliği
işində Bakıdan
daima dəstək aldığını və
buna görə Azərbaycan hökumətinə
təşəkkürünü çatdırdı. Əli
Rzayi Urmiyada rəqs sinifləri təşkil etdiyini nəzərə çatdırdı:
"İslam dinində
rəqs günah sayıldığı üçün
biz milli rəqslərimizin səhnədə
ifasını təşkil
edə bilmərik.Ancaq azərbaycanlıların
toy-düyünlərində
onlar öz məharətlərini göstərməyə
imkan tapırlar.Bu yolla da
biz rəqslərimizin
yaşamasına çalışırıq".
Azəri
türklərinin yaratdığı
"Bilim yolu" dərnəyinin onlara dəstək olduğunu dilə gətirən soydaşımız çeşidli
tədbirlərdə birlik
nümayiş etdirdiklərini
vurğuladı.Bu yaxınlarda Səttarxanın
anım mərasimində
bunun bir daha şahidi olduğundan məmnunluğunu
ifadə etdi. Əli Rzayi bir məsələni də qeyd etməyi özünə borc bildi ki,
mətbuat və ümumən xalqımız
Güney Azərbaycan dedikdə təkcə Təbriz mədəniyyətinə
yox, digər şəhərlərin də
mədəni irsinə
eyni marağı göstərsələr, yaxşı
olar. Soydaşlarımız İrana – Urmiyaya
qayıtdıqdan sonra
buradakı görüşləri
ilə bağlı doğma dildə nəşr olunan qəzet və dərgilərə müsahibə
verəcəklərini, gələn
səfərlərdə Gəncəni
və Azərbaycanın
digər böyük şəhərlərini də
görmək arzusunda olduqlarını dedilər.
525-ci
qəzet.-2007.-4 aprel.-S.7.