Turanə
Korneliya fon Kerssenbrok
musiqisevərlərə
maraqlı gecə yaşadıb
Son vaxtlar
paytaxtımızın mədəni mühitində hiss olunan
canlanma Dövlət Filarmoniyasından da yan ötmür. Fəal
yaradıcılıq fəaliyyəti nümayiş etdirən
mədəniyyət ocağı Avropa və Rusiya musiqi
mədəniyyətində çox məşhur olan dünya
şöhrətli və görkəmli sənətkarları
vətənimizə dəvət etməklə bir-birindən
maraqlı və rəngarəng konsertlər təşkil edir.
Filarmoniyanın
dəvətilə ölkəmizdə olan dünyamiqyaslı
Avstriya dirijoru Korneliya fon Kerssenbrok Ü.Hacıbəyov
adına Azərbaycan Dövlət Simfonik Orkestrilə birgə
tamaşaçılarımız üçün maraqlı
musiqi gecəsi yaşadıb.
Müasir dövrün
ən məşhur dirijorlarından olan Korneliya fon Kerssenbrokun
sənətkarlığı artıq Avropa və Rusiya musiqi
ictimaiyyəti tərəfindən təsdiqlənib. O, mahir
dirijor kimi şöhrət taparaq, dirijor pultu arxasında
füsunkar qadın adını qazanıb. K.Kerssenbrok dirijorluq
təhsilini Zaltsburqda "Mozarteurrf və İtaliyada Freyburq
Musiqi Akademiyasında alıb. Görkəmli dirijor,
həmçinin, Corma Panula (Helsinki), Pol Gudvin (London), Marius
Smolik (Hyuston) və bir çox dünya şöhrətli
sənətkarlardan ustad dərsləri alıb. Bir çox
nüfuzlu beynəlxalq müsabiqələr iştirakçısı
olan Korneliya fon Kerssenbrok Avstriya ölkəsi
tərəfindən təltif olunmuş "Şərəf
mükafatı 1995-96, Handel festivalında "Handel
mükafatı 1999" və Zonta Musiqi Mükafatı kimi ali
mükafatlarla təltif olunub.
Dirijor 2001-ci ildə
"Dirijentenforum" Almaniya inkişaf proqramına daxil
olduqdan üç il sonra onların "Maestro fon Morgen"-
("Sabahın Maestrosu") sənətkarlar
siyahısının üzvü olub. Hazırda Avropanın bir
çox məşhur, aparıcı orkestrlərində -
Almaniya, Münhen və Hamburq Simfonik, Hannover Radio, Halle
Oövlət, Kassela və Mayn Dövlət
Filarmoniyalarının və "Berlin Landesyuqend",
"Barokorkestr La Beta Olanda" orkestrlərinə dirijorluq
və rəhbərlik edir.
O, Almaniyada
keçirilən ."Çiemqau Beynəlxalq Musiqi
Festivalında" Motsartın "Seraldan qaçırma",
Puççininin "Toska" operalarında, Frankfuıt,
Ştudqart, Karlsruhe, Almaniya, Polşa operalarında bir çox
məşhur əsərlərə, həmçinin, Azərbaycan
Dövlət Akademik Opera və Balet teatrında C.Verdinin
"Riqoletto" operasına dirijorluq edib. M.Maqomayev adına
Dövlət Filarmoniyasında baş tutan gecədə isə
məşhur bəstəkarlar C.Qerşvin, S.Raxmaninov, Q.Malerinin
əsərləri səsləndirilib.
Yeni Azərbaycan.- 2007.- 3 aprel.- S. 8.