İstanbulda Lütfiyar İmanovun ad günü qeyd olunub

İstanbulda yaşayan Təbriz azərbaycanlıların Xalq artisti Lütfiyar İmanovun 79 yaşının İstanbulun "Vilia" otelinin. restoranında qeyd ediblər. Azərbaycanın İstanbuldakı baş konsulu Səyyad Salahlı APA-ya bildirib ki, təxminən 60 nəfərin iştirakı ilə çox gözəl bir gecə keçirilib, Lütfiyar İmanov müxtəlif xalq mahnıları və ariyalar ifa edib. Onu fortepianoda Türkiyədə yaşayan Azərbaycan sənətçiləri müşayiət ediblər. Baş konsulun da iştirak etdiyi ad günü mərasimində tanınmış həkim-stomatoloq Yaqub Kəzimi, "3 min ilin hikməti" kitabının müəllifi Əli Polad və s. iştirak ediblər. Təşkilatçılar söz veriblər ki, sənətçinin 80 illiyini İstanbulun məşhur "Camal Rəşid Rey" konsert salonunda 2500 nəfərin iştirakı ilə qeyd edəcəklər.

Xalq cəbhəsi.- 2007.- 19 aprel.- S. 15.