Səid Rüstəmovun 100 illiyinə həsr olunmuş konsert

Aprelin 20-də Rəşid Behbudov adına Azərbaycan Dövlət Mahnı Teatrında xalq artisti, SSRİ Dövlət Mükafatı Laureatı Səid Rüstəmovun 100 illiyi münasibətilə Azərbaycan Milli Konservatoriyası nəzdində Musiqi Kolleci tələbələrinin konserti olmuşdur.
Tədbirin əvvəlində Musiqi Kollecinin müəllimi Həcər Babayeva bəstəkar, dirijor, pedaqoq S.Rüstəmovun həyat və yaradıcılığı haqqında danışmışdır.
Musiqi Kollecinin direktoru, əməkdar incəsənət xadimi, professor Nazim Kazımovun “Səid Rüstəmov” adlı kitabı təqdim edilmişdir.
Kollecin xoru, xalq çalğı alətləri, kamança çalanlar ansamblların, tələbələr Ələkbər Şahmuradov, Mənzər Ələkbərova, Fəxri Kazim-Nicat, Aysel Qubanova və başqaları bəstəkarın dillər əzbəri olmuş, unudulmaz “Alagöz”, “Sürəyya”, “Qurban adına”, “Gəlmədi” kimi mahnılarını və əsərlərini ifa etmişlər.

Xalq qəzeti.-2007.-21 aprel.-S.7.