Böyük bəstəkarların naməlum əsərləri

Musiqi Mədəniyyəti Dövlət Muzeyi 40 illik yubleyində həmin əsərlərin toplandığı diski özünə hədiyyə etdi

Musiqi Mədəniyyəti Dövlət Muzeyinin yaradılması haqqında qarardan 40 il ötür. Özünün 40 illik fəaliyyatində böyük inkişaf yolu qət edən muzey bu müddət ərzində zəngin kolleksiyalar toplayıb. Dünən isə muzeydə “Musiqi Mədəniyyəti Muzeyinin tapıntıları” adlı diskin təqdimat mərasimi olub.

Muzeyin direktoru, sənətşünaslıq namizədi Alla Bayramova muzeyin fondunda 40 mindan artıq eksponatın saxlanıldığını bildirib. O, qeyd edib ki, eksponatlar Azarbaycan musiqi mədəniyyəti tarixinə aid dəyərli sənədlər, fotoşəkillər, musiqi alətləri, təsviri sənət nümunələri, not əlyazmaları va s. önəm kəsb edən nümunələrdən ibarətdir. “Muzeyin əməkdaşları not əlyazmaları üzərində elmi iş apararkən bəstəkarlarımızdan Niyazi, Cövdət Hacıyev, Soltan Hacıbəyov, Qara Qarayev, Polad Bülbüloğlu və istedadlı pianoçu Fərhad Bədəlbəylinin 1920-1960-cı illərə aid naməlum pyeslərini aşkar ediblər. Musiqi ədəbiyyatında bu piano əsərləri haqqında məlumat çox məhdud olub”. Bu fortepiano əsərlərinin XX əsrin ortalarında Azarbaycan bəstəkarları məktəbinin qısa müddət ərzində çox sürətli təkamülündan xəbər verdiyini deyən muzey rəhbəri əsərlərdən bir çoxlarının məlum olmayan səbəblərdən geniş tamaşaçı kütləsi qarşısında səslənmədiyini, bəzilərinin isə yarım əsr əvvəl səsləndirildiyini söyləiyib. İlk dəfə isə bu əsərlər muzeydə səsləndirilib. Alla Bayramova əsərlərin ictimaiyyətdə yayılması üçün iki not kitabı nəşr etdirdiklərini, not kitablarının isə sırf musiqiçilərə aid olduğunu xatırladıb. Bu əsərlərin daha geniş yayılması üçün məhz diskin buraxılmasını vacib hesab etdiklərindən Mədəniyyət və Turizm Nazirliyinin dəstəyi ilə bu işi həyata keçiriblər.  Diskə toplanmış iri həcmli əsərləri Bakı Musiqi Akademiyasının dosenti Ülviyyə Hacibəyova ifa edib.

Musiqi tarixinin yalnız dərsliklərdə yer alanlardan ibarət olmadığını söyləyən Mədəniyyət və Turizm Nazirliyinin musiqi sektorunun müdiri Fərəh Əliyeva arxivdə qalan, səsləndirilməyən yazıları da musiqiçilərə, musiqisevərlərə çatdırmağın vacibliyindən danışıb.

Yeni Azərbaycan.-2007.-4 aprel.-S.8.