Teatr tarixi və teatrşünaslığa
dair nəzəri fikrin Yeni təməli
Tanınmış
teatrşünas Ədalət Vəliyevin iki kitabı ilə
bağlı rəylər toplusu nəşr olunub
Bugünlərdə "Elm" nəşriyyatının çapa
hazırladığı "Yeni təməl" kitabı oxucuların ixtiyarına verilib. Kitabda görkəmli teatrşünas
alim, mədəniyyət
və turizm nazirinin müavini, 2005-ci ildə Azərbaycan mədəniyyəti qarşısındakı
xidmətlərinə görə
"Qızıl dərviş"
və "Humay" mükafatlarına layiq görülən Ədalət
Vəliyevin "Azərbaycan
milli teatr prosesinin çağdaş
təşkilatlanma problemləri"
və "Teatr sənətimiz: dünən,
bu gün, sabah" kitabları haqqında ölkənin aparıcı mətbuat orqanlarında dərc edilmiş rəylər, məqalələr toplanıb.
Vaqif Bəhmənlinin
redaktəsi ilə işıq üzü görən kitaba ön sözü sənətşünaslıq doktoru,
professor Məryəm Əlizadə yazıb. O, Ədalət Vəliyevi bu günün reallığı şəraitində
sintetik teatr formasının optimal variant kimi təqdim
edən mütəxəssis
kimi səciyyələndirib:
"Yəni, teatr keçid dövrünü
arxada qoyduqdan sonra kommersiya və ya qeyri-kommersiya
formasını tərcih
edəcək və bu istiqamətdə dövrün tələblərinə
uyğun fəaliyyətini
davam etdirəcək. Beləliklə, "teatr məkanına" bir sıra yeniliklərin tətbiq edilməsi nəticəsində "tam
yeni teatr industriyası sahəsi"nin yaranması prosesinin ilkin mərhələsi başa
çatacaq". M.Əlizadə
Ədalət Vəliyevin
təkcə problemləri
yox, onların həlli yollarını da nişan verdiyini
qeyd edib. Nəfis tərtibatla çap olunmuş kitabdakı məqalələr şərti
olaraq 2 hissədə təqdim olunub. 1-ci hissədə Ədalət
Vəliyevin 2003-cü ildə
"Elm" nəşriyyatında
çapdan çıxmış
"Azərbaycan milli
teatr prosesinin çağdaş təşkilatlanma
problemləri" monoqrafiyasına
həsr olunan yazılar verilib. Bu sırada İftixar Piriyevin "Çağdaş milli teatr və təşkilatlanma",
Tofiq Abdinin "Dayanan məhv olacaq", Zahir Əzəmətin "Milli
artmenecmentlik. Teatr məktəbi
yeni təşkilatlanmanın
astanasında", E.Güliyevin
"Tarixi mənzərə
də var, çağdaş yaşam
da", Ağalar İdrisoğlunun "Azərbaycan
teatr tarixində, teatrşünaslığında yeni söz", Əli Vəkilin "Səhnə sənətinə
həsr olunmuş dəyərli tədqiqat əsəri" və digər imza sahiblərinin maraqlı məqalələri
var. 2-ci hissədə
Ədalət Vəliyevin
2005-ci ildə "Orxan"
nəşriyyatında çap
olunan "Teatr sənətimiz: dünən,bu gün, sabah"
adlı nəşri haqqında rəyləri əks etdirən məqalələr yer alıb. Burada tanınmış imza müəlliflərindən
Aydın Kazımzadənin
"Dünənin tarixi,
bu günün reallığı, sabaha inamla", İnqilab Kərimovun "Sənətin
gücü Çin səddini aşır",
Məryəm Əlizadənin
"Çağdaş səhnə
sorağında", Şərif
Ağayarın "Öyrən,
yaşa, qur", Flora Xəlilzadənin "Çağdaş teatrın
mənzərəsi", Əbülfət
Mədətoğlunun "Bu
kitabda yanğı var" və başqalarının məqalələri
toplanıb. Ədalət
Vəliyevin sözügedən
kitablarına yazılan
məqalə və resenziyaların, demək olar ki, hamısında
belə bir fikir hakimdir: "Bu əsərlərin tədqiqat obyektinin və bu obyektə
(teatr prosesinə) yanaşma tərzi yenidir, müəllif hadisələrə özünəməxsus
tərzdə yozum verib". Bütün bunlar "Yeni təməl"dəki sanballı və oxunaqlı 48 rəyin teatrı sevən hər kəsin marağına səbəb
olacağına ümid
bəsləməyə əsas
verir.
525-ci qəzet.-2007.-3 aprel.-S.7.