Teatr açmağa bir ömür lazımdır

Türkiyədə aktyor yetişdirməklə məşğul olan Cahangir Zeynalovun fikrincə, bizim teatr işçiləri daha peşəkardır

"Teatr açmaq üçün bir ömür lazımdır". Mərhum sənətkarımız Nəsibə Zeynalovanın hazırda Türkiyədə çalışan oğlu Cahangir Novruzov bu fikirləri türk mətbuatına açıqlamasında bildirib. O deyib ki, Azərbaycan teatrının maraqlı tarixi keçmişi var və bu teatrın formalaşmasında, inkişafında onun babası Cahangir Zeynalovun da böyük rolu olub.

Teatrın həmişə dövlətin yardımına ehtiyacı olduğunu deyən aktyor yaxın vaxtlarda Azərbaycan teatrında müsbət dəyişikliklərin olacağına inandığını söyləyib. O qeyd edir ki, 1990-cı illərdən sonrakı siyasi-iqtisadi böhran teatra da təsir edib. Ona görə də teatrların dövlətin, Mədəniyyət və Turizm Nazirliyinin yardımına ehtiyacı var: "Sənət isə hər bir dövlətin vitrinidir. Bu vitrinin gözəl olması vacibdir. Teatrlar günümüzün aynası olaraq gözəl vitrin rolunu oynamalıdır. İnanaq ki, nəticə yaxşı olacaq".

Yaratdığı obrazları ilə yadda qalan aktyor yaxın vaxtlarda Vətənə dönüb nə teatr açmaq, nə də tamaşalarda oynamaq niyyətindədir. C.Novruzov hələ ki Türkiyədə aktyorlar yetişdirməklə məşğuldur: "Teatr açmaq üçün bir ömür lazımdır. Mənim Türkiyədə "Ceyhan bələdiyyə teatrı"m var. Həm də orada çoxlu tələbələrim var. Həmin tələbələr filmlərə, teatrlara cəlb olunurlar. Onlar çox istedadlıdırlar".

C.Novruzov hazırda Türkiyə teatrlarının potensialının çox olduğunu desə də, Azərbaycan teatr işçilərinin daha peşəkar olduğunu vurğulayıb.

Kaspi.-2007.-7-9 aprel.-S.20.