Traviata opera və balet
teatrının səhnəsində
Azərbaycan Dövlət Akademik Opera və Balet Teatrının vaxtaşırı öz tamaşaçılarına maraqlı
layihələr təqdim
etməsi artıq bir ənənə şəklini almışdır. May ayının 6-da opera həvəskarlarını
növbəti bir sürpriz gözləyir. Həmin gün teatr tamaşaçılarına
görkəmli italyan bəstəkarı Cüzeppe
Verdinin "Traviata"
operasını təqdim
edəcəkdir.
Dünya opera sənətinin
ən dəyərli nümunələrindən biri
olan bu tamaşada
Azərbaycan vokal sənətinin bir çox görkəmli nümayəndələri çıxış
edəcək və əsas partiyaları səsləndirəcəklər. Çox önəmlidir ki, tamaşada aparıcı rolları opera səhnəmizin
gənc ulduzları - Vokalçıların Beynəlxalq
Müsabiqələrinin laureatı
Samir Cəfərov (Alfred) və Vokalçıların Bülbül
adına III Beynəlxalq
Müsabiqəsinin laureatı
Əvəz Abdullayev (Æorj Æermon) ifa edəcəklər. Tamaşada gənc vokalçılarla
yanaşı, təcrübəli
opera sənətçiləri
- Azərbaycan Respublikasının
əməkdar artistləri,
Vokalçıların Beynəlxalq
Müsabiqələrinin laureatı
və diplomantları Gülnaz İsmayılova,
Əli Əsgərov,
Həsən Enami, Əkrəm Poladov da çıxış edəcəklər.
Bu layihənin özəlliyi
isə teatrın rəhbərliyi tərəfindən
tamaşanı idarə
etmək üçün
almaniyalı dirijor, Avropada çox populyar olan istedadlı
maestro, Münhen Opera Sənəti Festivalının bədii
rəhbəri Korneliya
Fon Kerssenbrokun dəvət olunması ilə bağlıdır.
Qeyd edək
ki, K.Kerssenbrok öz cazibədar xarici görkəmi və ən əsası isə böyük dirijor istedadı ilə Avropanın musiqi aləmində çox populyardır. O, dünyanın bir sıra aparıcı teatrlarında - "Qrand Opera",
"La-Skafa", "Koven-Qarden",
"Metropoliten Opera" və
s. çıxış edir.
Onun idarə etdiyi tamaşa və konsertlər hər zaman uğurla keçir və böyük tamaşaçı
marağına səbəb
olur.
Xanım Korneliyanın Bakıya
qastrol səfəri şəxsən Opera və
Balet Teatrının direktoru Akif Məlikovun dəvəti ilə baş tutacaqdır. İlk dəfə
2003-cü ildə Azərbaycana
səfər edən almaniyalı dirijor Opera və Balet Teatrında
Verdinin "Riqoletto"
operasını idarə
etmiş və elə ilk səfərində
çox yüksək
təəssüratlarla geri
dönmüşdü: "Gəlişimə görə
Azərbaycan Opera və
Balet Teatrının direktoru Akif Məlikova çox minnətdaram. Uzaq Qafqazda
belə yüksək səviyyəli bir sənət ocağı olduğunu, burada əsil professionalların çalışdığını güman edə bilməzdim. Bu tamaşa ("Riqoletto")
mənim dirijorluq karyeramda ən gözəl tamaşalardan
biridir. Orkestrin səviyyəsi məni çox qane etdi və onlarla
işləmək böyük
zövq verdi.
Bütün tamaşa böyu
öz alqışları
ilə bizi ruhlandıran tamaşaçılar
haqqında xoş sözlər söyləmək
istərdim. Hiss olunur
ki, bakılılar akademik sənəti çox gözəl anlayır və yüksək qiymətləndirirlər.
Bu xanım Korneliyanın
ilk səfəri zamanı
söylədiyi fikirlər
idi.
Sonrakı illərdə
Akif Məlikovun dəvəti ilə Bakıya bir neçə dəfə səfər edən xanım Korneliya Azərbaycan Dövlət Simfonik Orkestri ilə birgə Filarmoniyada çıxış
etmiş və məhz onun dəstəyi və dəvəti ilə 2005 və 2006-cı illərdə
orkestr K.Kerssenbrokun bədii rəhbəri olduğu Münxen Opera sənəti festivalında
iştirak etmişdir.
Çox
önəmlidir ki,
2007-ci ildə bu festivalda Opera və Balet Teatrının Simfonik Orkestrinin iştirak edəcəyi gözlənilir.
Səs.-2007.-26 aprel.-S.12.