Üns Teatrının 1
yaşı: tamaşaçı ilə sehrli ünsiyyətin
uğurlu təməli
Xalq yazıçısı
Elçin: “Şübhə etmirəm ki, Üns
yaradıcılıq səhnəsi tezliklə daha böyük
uğurlara imza atacaq”
Azərbaycan teatr sənəti
sahəsində əsl
hadisəyə çevrilən
Üns Yaradıcılıq
Səhnəsinin yaradılmasından
bir il keçir.
Bu zaman kəsimi az bir müddəti
əhatə etsə də, etiraf edək ki, teatr
yüksək zövq,
yaradıcılıq uğurları
baxımından xeyli uğur qazandı. Böyük bəstəkarımız
Tofiq Quliyevin mahnıları əsasında
hazırlanan müzikl
və Xalq yazıçısı Elçinin
teatr üçün məxsusi
olaraq yazdığı
"Şekspir" pyesinin
səhnəyə qoyulması
bu baxımdan xüsusilə yaddaqalan oldu. Üns Yaradıcılıq Səhnəsinin
bir illik fəaliyyətinə də
məhz bu teatrla sıx yaradıcılıq ünsiyyəti
qurmuş ədibimizlə
– Xalq yazıçısı
Elçinlə qısa
ekskurs etdik:
– Üns Teatrı
cəmi bir ildir fəaliyyət göstərir. Bu, qısa bir
müddət olmasına
baxmayaraq, Ünsün
fəaliyyəti Azərbaycan
mədəni həyatının
çox maraqlı tərkib hissələrindən
birinə çevrilib.
Üns Yaradıcılıq
Səhnəsi artıq
Azərbaycan teatr sənətində öz sözünü deməyə
başlayıb və bu söz
özünün orijinallığı, yüksək bədii-estetik səviyyəsi ilə fərqlənir, seçilir. Üns Teatrında biz bir çox başqa ölkələrin
görkəmli sənət
xadimlərinin oyunlarına
tamaşa etmişik,
XX əsr teatr sənətinin çox maraqlı nümayəndələri
olan teatr qruplarının tamaşalarına baxmışıq.
Eyni zamanda Ünsün özünün
yaradıcılıq məhsulu
olan əsərlərə
də bu səhnədə tamaşa
etmişik. Xatırlatmaq
istəyirəm ki, Üns Yaradıcılıq
Səhnəsinin açılışı
böyük bəstəkarımız
Tofiq Quliyevin mahnıları əsasında
müzikllə oldu. Bu müzikl yüksək zövqün
ifadəsi idi. Bu müzikl Azərbaycan mədəniyyətinin
ən parlaq incilərini, ən yüksək bədii-estetik tələbatlara cavab verən nümunələrini göstərmək
baxımından çox
önəmli və lazımlı idi. Xüsusən də şou-biznes
dediyimiz hadisənin içində olduğumuz,
müəyyən məqamlarda
əsl Azərbaycan mədəniyyətinə, sənətinə
yad olan ifalarla, səhnə mədəniyyətsizliyi ilə
rastlaşdığımız bir vaxtda Üns
Teatrında Tofiq Quliyevin mahnıları əsasında hazırlanan
həmin müzikl çox ciddi, əhəmiyyətli və
əlamətdar bir hadisə idi. Bu yaxınlarda Üns Teatrında mənim "Şekspir"
pyesim səhnələşdirildi.
Mən bu pyesi xüsusi olaraq Üns üçün yazmışdım.
Bu teatrın təsisçisi və bədii rəhbəri bizim çox istedadlı ədəbiyyatşünaslarımızdan
biri olan professor Nərgiz Paşayevadır. Onunla xeyli vaxtdır, ədəbi əlaqələr
yaratmışıq. O, mənim
əsərlərim haqqında
bir çox məqalə yazıb, həmçinin bir sıra kitabların müəllifidir. Nərgiz xanımın
bədii zövqünə,
sənətə münasibətinə
bələd olduğum
üçün "Şekspir"
pyesini məxsusi olaraq Üns Teatrı üçün
yazdım. "Şekspir"
pyesi Ünsün səhnəsində çox
böyük müvəffəqiyyətlə
tamaşaya qoyuldu.
Bu tamaşanın çox ciddi, əhəmiyyətli
bir cəhəti də ondan ibarət
idi ki, burada
rus və Azərbaycan teatrlarının
aktyorları eyni səhnəni uğurla paylaşdılar. İstedadlı
rejissor Bəhram Osmanovun quruluş verdiyi tamaşada bizim çox istedadlı aktyorlarımız
rol almışdılar.
Tamaşanın uğurunu
təmin edən əsas amillərdən biri də, heç
şübhəsiz, bədii
rəhbər kimi Nərgiz xanım Paşayevanın fəaliyyəti
oldu. Xalq yazıçısı Elçinin fikrincə, bu bir illik
fəaliyyəti hələ
Üns Teatrının
gələcəkdə görəcəyi
daha böyük işlərin ilkin mərhələsi, müqəddiməsidir:
– Şübhə etmirəm
ki, Üns Yaradıcılıq Səhnəsi
tezliklə Azərbaycan
incəsənətində,
mədəniyyətində öz mövqeyini daha gücləndirəcək
və daha böyük uğurlara imza atacaq. Üns
Azərbaycanda yeni nəslin bədii-estetik tərbiyəsində
çox əhəmiyyətli
rol oynayacaq. Mən Nərgiz xanım Paşayevaya və onun rəhbərlik
etdiyi Üns Yaradıcılıq Səhnəsinə
yeni uğurlar arzulayır və bu kollektivin növbəti nailiyyətlərini
səbirsizliklə gözləyirəm.
525-ci qəzet.-2007.-21 aprel.-S.11.