Sanatoriya və kurortlar haqqında qanun layihəsi hazırlanır

Parlament "Sanatoriya və kurortlar haqqında" qanun layihəsi üzərində işləyir. Bu haqda "Azadlıq" radiosuna parlamentin Sosial siyasət komissiyasının sədri Hadi Rəcəbli deyib. Onun sözlərinə görə, məqsəd həm yeni iş yerlərinin açılması, həm də xaricdə istirahət edən ölkə vətəndaşının pulunun Azərbaycanda qalmasını təmin etməkdir. "İş yerləri yaradılması baxımından da bu sahə prioritetdir. Amma bu qanun layihəsi ilə bağlı maliyyə dəstəyi də verilməlidir. O zaman daha artıq gəlir götürmək olar və pullar Antalyaya, Dubaya axmaz, Azərbaycanda qalar. Yesentukiyə gedəndə elə bil Bakıdasan. Oradakı şərait heç də Azərbaycandan yaxşı deyil. Bir qədər vəsait qoyulub. Bizim hökumət də artıq bu haqda düşünür". Hadi Rəcəbli qanun layihəsinin gələn sessiyada müzakirəyə çıxarılacağını deyir.

Üç nöqtə.-2007.-4 avqust.-S.7.