Ermənistan
Silahlı Qüvvələrinin işğal etdiyi Azərbaycan
ərazilərində yerləşən 14-dən çox
xalçaçılıq sexində qalan Qarabağ
xalçalarının naxışlarını
işğalçı dövlətin
"sənətşünasları" öz adlarına
çıxırlar. Bu barədə "Trend"
agentliyinə Bərdədə
məskunlaşan Qarabağ
Xalçaçılıq Zavodunun direktoru Ceyran Bayramova məlumat verib. Onun sözlərinə görə,
Qarabağ xalçaçılıq
məktəbinin ən
gözoxşayan çeşniləri
olan "Xanlıq",
"Şuşa", "Nəlbəki",
"Ağ çiçəklər"
və digərlərini
erməni xalçaçıları
toxuyaraq özlərinin
xalçaçılıq ənənəsinin nümunələri
kimi Avropa ölkələrində
satışa çıxarırlar.
Xalçalar Ermənistanın Qarabağ vilayətinin xalçaları kimi təqdim edilir, satış-yarmarkalarda və sərgilərdə
xalçaçılıq ənənələrimizin heysiyyəti
tapdanır, tariximizin uzaq yaddaşından boylanan çeşnilər
erməni sənət
əsəri kimi bir neçə avroya satılır.
İşğaldan sonra Bərdə rayonunda məskunlaşan Qarabağ
Xalçaçılıq Zavodunda hazırda 24 nəfər çalışır.
Qarabağ xalçaçılıq
sexləri XVIII əsrdə
fərdi şəkildə
evlərdə yaradılıb.
1939-cu ildən isə
Ağdamda Qarabağ Xalçaçılıq Zavodu
açılıb. Zavodun
işçilərinin sayı
500 nəfər olub.
1956-cı ildən Ağdam, Şuşa, Xankəndi, Zəngilan, Xocalı, Cəbrayıl, Laçın rayonlarında
zavodun filialları olub.
Həftə içi.-2007.-10 avqust.-S.8.