Corc Xələfovun Almatıda sərgisi açılıb

Almatıdakı Mərkəzi salonda həmyerlimiz, fotorəssam Corc Xələfovun "Əbədi mövzu" adlı fərdi sərgisi açılıb. 10 gün davam edəcək sərgidə müəllifin "Qadın və təbiət", "Təbiətlə insanın ahəngdarlığı", "Ana", "Ana Vətən" mövzularında 360-dan artıq əsəri nümayiş etdirilir. Qeyd edək ki, sərginin açılışında şəhər ictimaiyyəti, ədəbiyyat və incəsənət xadimimləri, diplomatlar və iş adamları iştirak ediblər. Özü haqqında məlumat verən C.Xələfov Bakı, Ankara, İstanbul, İzmir, Nyu-York, Lozanna, Münxen və başqa şəhərlərdə fərdi sərgilərinin keçirildiyini diqqətə çatdırıb. Eyni zamanda, fotorəssamın əsərləri ABŞ, Türkiyə, Fransa, Rusiya, Qazaxıstan və başqa ölkələrdə şəxsi kolleksiyalarda saxlanılır. Sərgi ərəfəsində İsveçrə televiziyasının Corc Xələfovun yaradıcılığı ilə bağlı sənədli film nümayiş etdirdiyi söylənilir.

Kaspi.-2007.-24 avqust.- S.17.