ABŞ-ın "NBC" telekanalında erınəni terroru barədə film nümayis etdirilib

ABŞ-ın nüfuzlu "NBC" televiziya kanalında ermənilərin Birləşmiş Ştatlarda törətdikləri terror əməllərindən bəhs edən film nümayiş olunmuşdur. Erməni terror şəbəkəsi yə onun rəhbəri Murad Topalyan haqqında, faktların təqdim olunduğu filmdə 1996-ci ilin sentyabrında Ohayo ştatında tapılmış partlayıcı maddələrin və silahların aşkarlanması haqqında danışılmışdır. Təhqiqatçılar partlayıcı maddələrin sahibinin ABŞ Milli Erməni Komitəsinin sədri Murad Topalyan olduğunu bildirirlər.

Filmdə qeyd olunmuşdur ki, terrorçular partlayıcı maddələri məktəbin və yanacaqdoldurma məntəqəsinin yaxınlığında yerləşdirməklə böyük terror aktı törətmək istəmişlər. Bundan əlavə, filmdə Murad Topalyanın da daxil olduğu erməni terrorçu qruplarının Avropa ölkələrində türk diplomatlarına və iş adamlarına qarşı törətdiyi qanlı cinayətlərdən də söz açılmışdır. Bildirilmişdir ki, əsasən Livandakı hərbi düşərgələrdə təlim keçən erməni terror dəstələri Nyu-York və Los-Anceles şəhərlərində fəaliyyətə başlamışlar. Filmdə, habelə M.Topalyanın erməni məsələləri ilə bağlı lobbiçilik fəaliyyəti ilə də məşğul olmasından bəhs edilmişdir.

Mövqe.- 2007.- 14-15 avqust.- S. 3.