Ələddinqızı N.

 

Aktrisanın kino sahəsində debütü

 

Bəsti Cəfərova: Tanrım mənə həm sənət, həm də analıq sevincini yaşamağı bəxş edib"

 

Bildiyiniz kimi, Mədəniyyət Turizm Nazirliyinin sifarişi ilə xalq artisti, rejissor Oqtay Mirqasımovun "Günaydın, mələyim" filminin çəkilişləri davam etdirilir. Tammetrajlı filmə respublikanın tanınmış aktoyrları dəvət almışlar. Belə ki, xalq artisti Fuad Poladov, Rasim Balayev, Telman Adıgözəlov, aktyorlardan Ayan Mirqasımova, Şamil Süleymanov başqaları filmdə əsas rolları yaradacaqlar. Adları qeyd olunan akytorlarla yanaşı, respublikanın xalq artisti Bəsti Cəfərova da filmdə aparıcı rollardan birinə dəvət almışdır.Filmin çəkilişləri ilə bağlı aktrisa ilə əlaqə saxlayıb ondan yaratdığı obrazla bağlı müəyyən məlumatlar əldə etdik: "İlk olaraq vurğulayım ki, bu film mənim kino sahəsində debütümdür. Gələn il yaradıcılıq fəaliyyətimin 30 ili tamam olur. Bu müddət ərzində heç bir filmə çəkilməmişəm. Təbii ki, bu, aktrisa üçün arzuolunmaz bir haldır. Bu mənada ki, fəaliyyətimin ən qaynar, gözəl dövründə hər hansı bir filmdə obraz yaratmaq mənim arzularımdan biri idi. Respublikanın tanınmış çox nüfuzlu rejissorları ilə birgə yaradıcılıq fəaliyyətim olsa da, hansısa səbəblərə görə kino sahəsində nailiyyətlər əldə etmək imkanım olmayıb. "Günaydın, mələyim" filmində öz sənətimə uyğun olan bir obrazı yaratmaq mənə həvalə olunmuşdur. Bu, tetrın aparıcı aktrisası Sahibə xanım obrazıdır. Filmin əsas ideyası Qarabağ döyüşlərindən onun ağır nəticələrindən bəhs olunmasıdır. Çox psixoloji bir süjet üzərində qurulan film şəxsi insanların taleyindən bəhs etsə , burada insanın ən ali xüsusiyyətləri ön plana çəkilir onun cəmiyyətdə Tanrı tərəfindən bəxş edilən mənəvi dəyərlərin insan həyatındakı rolu qabardılır. Filmdə mənim tərəf-müqabilim elə həmkarımdır. Aktrisa obrazını isə Ayan Mirqasımova oynayır. Sahibə rolunun, yəni mənim qəhrəmanımın sonu faciəli sonluqla bitir. Xarici görkəmi çox parlaq olan aktrisanın səhnə fəaliyyəti onu əhatə edən şəxslər tərəfindən birmənalı qarşılanmır. Bu mənada ki, sənətin inkişafı naminə çalışan Sahibə xanımı ətrafdakılar despot bir şəxs kimi qiymətləndirir, onunla çox zaman hesablaşmırlar. Sahibə xanımın həyat yaşantıları onu aqressiv olmağa gətirib çıxarır ki, sonda aktrisanın səhhətində çox ciddi problem yaranır. Xəstə yatdığı anlarda uzun müddət onunla səhnə münaqişələri yaşayan aktrisa Sahibə xanıma mütəmadi olaraq baş çəkir, onun səhhəti ilə maraqlanır.
   Qeyd etdiyim kimi, bu obraz mənim kino sahəsində ilk işimdir. Filmin rejissoru çəkilişlərdən çox razı qalmışdı. Qəhrəmanımın mənəvi, psixoloji məqamlarını qabarıq bir şəkildə ifadə etdiyinə görə, rejissor obrazın uğurlu alındığını söyləyir. Özüm bir aktrisa kimi çəkilişlərdən çox razı qalmışam. Çəkilişlərin əsas hissəsi Musiqili Komediya Teatrında aparılmışdır.
   Mənim yaradıcılıq bioqrafiyamda çox böyük yaradıcı şəxslərin imzası var. Sənət müəllimim Ədil İsgəndərov olub. Akademik Milli Dram Teatrına isə Tofiq Kazımov dəvət edib. Kino sahəsində da ilk addımım Oqtay Mirqasımov kimi rejissorla başladığından, özümü sənət aləmində çox xoşbəxt sayıram. Kino sənəti bizim sahənin bir qoludur. Düşünürəm ki, aktrisanın fəaliyyəti bu sahədə paralel inkişafda olmalıdır. Teatr səhnəsində lirik, psixoloji, faciəvi obrazlar yaradan bir aktrisanın kino sahəsindən kənarda qalması təvazökarlıqdan uzaq da olsa, deyim ki, çox ağrıdıcıdır. 10 ilə yaxındır ki, çalışdığım teatrda sırf faciə əsərlərinin baş qəhrəmanı kimi çıxış edirəm. İstər estetik, istərsə sənətkarlıq baxımından, müəyyən keyfiyyətlər yaradıcılığımda öz əksini tapmışdır. Xurşidbanu Natəvan, Afina şahzadəsi, Afət kimi obrazlar yaradan aktrisa artıq sənətin hər mürəkkəbliyini görmüş səhnədə obrazlarının həyatlarını yaşamışdır. Bunu deməkdə məqsədim odur ki, aktrisadan gənclik dövründə lazımi bir şəkildə istifadə olunmalıdır. Teatrda ən ağır, gərgin rollar oynayan bir aktristanın filmlərə çəkilməyə mənəvi haqqı var. Heç zaman sənətimə xəyanət etməmişəm. Çünki bu sənətə sevgim böyükdür.
   "Günaydın, mələyim" filminin təqdimatı bu ilin sonuna qədər keçiriləcəkdir. Artıq çəkilişlər sona yetmiş, yaxın günlərdə film dublyaj olunacaq. Sənətdə , həyatda da uğurlarımı qazanmışam. Ulduz həyatı yaşamasam da, teatrda ən yüksək maaşla təmin olunmuşam. Hətta neçə illərdir ki, Prezident təqaüdü alıram.
   Həyatda aktrisa üçün sənətlə yanaşı, ana olmaq da ən vacib məsələlərdən biridir. Artıq qızımın 12 yaşı var. Tanrım mənə həm sənət, həm analıq sevincini yaşamaq bəxş edib".
   

Səs.-2007.-7 avqust.-S.12.