Həsən Seyidbəylinin şəxsi kitabxanası Film Fonduna

təhvil verilib

Görkəmli kinorejissor, yazıçı-dramaturq, xalq artisti, ssenarist və kinorejissor Həsən Seyidbəylinin sağlığında işıq üzü görmüş əsərləri şəxsi kitabxanasından Dövlət Film Fonduna verilib. Fondun rəhbəri Cəmil Quliyev deyir ki, fonda verilən kitablar arasında "Uzaq sahillərdə", "Telefonçu qız", "Möcüzələr adası" və başqa hamıya tanış olan adları görmək olar. Həmin kitablar dünyanın 20 ölkəsində, o cümlədən Rumıniya, Macarıstan, Rusiya, Gürcüstan, Ukraynada çap olunub. Müəllif sözügedən əsərlərin bir neçəsini sonradan ekranlaşdırmağa müvəffəq olub.

Ayna.- 2007.- 18 avqust.- S. 21.