Mükərrəmoğlu M.

Azərbaycan filmləri beynəlxalq kinofestivala dəvət almışdır

Artıq milli kinomuzun sorağı dünyanın mötəbər kinofestivallarından gəlir. Möhtərəm Prezidentimizin Azərbaycan kinosunun inkişafı haqqında imzaladığı sərəncamdan sonra kinomuzun beynəlxalq əlaqələri də tədricən genişlənməyə başlamışdır. Sentyabrda Azərbaycanda keçiriləcək “Şərq-Qərb” kinofestivalı bu istiqamətdə həyata keçirilən tədbirlərdəndir.
Bu günlərdə daha bir xoş xəbər alınmışdır. Belə ki, üç qısametrajlı filmimiz Qırğızıstanın İssıkul şəhərində keçiriləcək “Dağ mirvarisi” beynəlxalq kinofestivalına dəvət almışdır. Onlardan ikisi Mədəniyyət və Turizm Nazirliyinin gənclər arasında keçirdiyi müsabiqənin qalibləridir. “Nəfəs” filmini gənc recissor Xəyyam Abdullayev “Exa prodakşn” mərkəzində çəkmişdir.
Recissor Asif Rüstəmovun lentə aldığı “Ev” filmi isə “Dərviş” studiyasında ekranlaşdırılmışdır.
“Yeni dalğa” studiyasında lentə alınan “Keçid” filmi də festivalda iştirak edəcək. Onu rejissor Yusif Quliyev lentə almışdır.
Azərbaycanın yeni filmlərinin bir neçə beynəlxalq kinofestivallarda nümayiş etdiriləcəyi də nəzərdə tutulur.

Xalq qəzeti.-2007.-25 avqust.-S.5.