Milli kino günüdür
Əbülfəs Qarayev:
"İlk dəfədir 1980-ci illərlə müqayisə
apara bilirik"
Dünən
Azərbaycan kinosunun 109 illiyinin rəsmi tədbiri
"Azərbaycan" kinoteatrında baş tutdu
Mərasimin əvvəlində iştirakçılara
ötən 1 il ərzində kino sahəmizdə baş verən yeniliklər, gerçəkləşən ideyalar
barədə videomaterial
şəklində məlumat
verildi. Təbii ki, ən mühüm
hadisə kimi ölkə prezidenti İlham Əliyevin 23 fevral 2007-ci il tarixdə imzaladığı
"Kino sahəsinin inkişafı haqqında"
sərəncamı qeyd
olundu. Daha sonra premyerası baş tutmuş yeni filmlərimiz ("Milli bomba", "Məhkumlar"),
Azərbaycan kinosunun inkişafında xidmətləri
olmuş sənətkarların
yubileyləri barədə
məlumatlar (Roman Karmen, Əlisəttar Atakişiyev, Eldəniz Zeynalov, Hacıbaba Bağırov, Gülbəniz
Əzimzadə), çəkilişləri
gedən tammetrajlı
bədii filmlərin çəkiliş prosesindən
fraqmentlər ("Hökmdarın taleyi", "Günaydın,
mələyim", "Qala",
"Cavid ömrü",
"Cavadxan") təqdim
olundu.
Daha sonra
mədəniyyət və
turizm naziri Əbülfəz Qarayev kino xadimlərini peşə bayramı münasibətilə təbrik
etdi: "Prezidentin məlum sərəncamından
sonra kino sənətkarlarımız arasında
birlik, ruh yüksəkliyi hisslərinin
genişlənməsini müşahidə
etməmək olmur. Hazırda "Azərbaycanfilm"
kinostudiyasının potensialını
1980-ci illərlə müqayisə
etmək mümkündür.
Son 20 il ərzində ilk dəfədir 1 ildə 7 tammetrajlı bədii film çəkilir".
Nazir kino adamlarını
və kinosevərləri
əmin etdi ki, gələn il "Azərbaycanfilm"
kinostudiyası tam yenilənmiş, modern tərzdə təmir və təchiz edilmiş vəziyyətdə
yeni filmlərin çəkilişinə başlayacaq,
"Nizami" kinoteatrı
kino kompleksi səviyyəsinə qaldırılacaq,
Dövlət Film Fondu isə yeni binada fəaliyyətini davam etdirəcək. "Nizami"
kinoteatrının əsaslı
təmir layihəsi bu ilin noyabrında
tam hazır şəkil alaraq ictimaiyyətə açıqlanacaq.
"Filmfond"un yeni binasının isə artıq 6-cı mərtəbəsi tikilməkdədir.
Nazir bəyan etdi
ki, gənclərə
meydan verilməsi prosesi gələn il daha da
genişləndiriləcək. Əgər bu il 5 nəfər gənc rejissora müstəqil film istehsal etmək şəraiti yaradılmışdısa,
2008-ci ildə onların
sayı 8 nəfər
olacaq. Nəzərə
alsaq ki "Debüt" studiyası fəaliyyətini bərpa
edib, bu proqnozların gerçəkləşməsi
çətinlik törətməyəcək.
Ə.Qarayev
qeyd etdi ki, gələn il istehsalata buraxılacaq filmlərin sayı və keyfiyyəti nazirliyin yaratdığı ekspert şurasının üzvləri
tərəfindən müəyyənləşdiriləcək.
Hər il
olduğu kimi, kino veteranlarına nazirliyin pul mükafatları təqdim
edildi. Tədbirin sonunda isə "Bu meydan, bu
ekran" müsabiqəsində
qalib seçilmiş filmlərin adları açıqlandı. Bunlar
"Yalançılar", "Küçə", "İkinci
doğuluş", "Ev"
qısametrajlı filmləridir.
Həftə
içi.-2007.-3 avqust.-S.8.