Bakı Musiqi Akademiyasının maddi-texniki bazasının yaxşılaşdırılması haqqında

Azərbaycan Respublikası Prezidentinin Sərəncamı

Azərbaycanda musiqişünas kadrların yetişdirilməsində böyük xidmətləri olan Bakı Musiqi Akademiyasının maddi-texniki bazasını möhkəmləndirmək məqsədi ilə qərara alıram:
1. Bakı Musiqi Akademiyası binasının əsaslı təmir olunması və yeni musiqi alətlərinin alınması üçün Azərbaycan Respublikasının 2007-ci il dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan Azərbaycan Respublikasının Təhsil Nazirliyinə 7,0 milyon (yeddi milyon) manat məbləğində vəsait ayrılsın.
2. Azərbaycan Respublikası Maliyyə Nazirliyi bu sərəncamın 1-ci bəndində göstərilən vəsaitin Azərbaycan Respublikasının Təhsil Nazirliyi və Bakı Musiqi Akademiyası ilə razılaşdırılmış bölgüyə əsasən maliyyələşdirilməsini təmin etsin.
3. Azərbaycan Respublikasının Nazirlər Kabineti bu sərəncamdan irəli gələn məsələləri həll etsin.
4. Bu sərəncam imzalandığı gündən qüvvəyə minir.

İlham Əliyev,
Azərbaycan Respublikasının Prezidenti

Bakı şəhəri, 22 avqust 2007-ci il

Azərbaycan.-2007.- 23 avqust.-S.3.