Cabbar Qaryağdıoğlunun xatirəsinin əbədiləşdirilməsi haqqında

Azərbaycan Respublikası Prezidentinin Sərəncamı

Milli musiqi sənətinin görkəmli nümayəndəsi, ustad xanəndə Cabbar Qaryağdıoğlunun xatirəsini əbədiləşdirmək məqsədi ilə qərara alıram:
1. Bakı Şəhər İcra Hakimiyyəti Cabbar Qaryağdıoğlunun qəbirüstü abidəsinin ucaldılmasını, həmin ərazidə abadlıq işlərinin görülməsini və Bakı şəhərinin küçələrindən birinə onun adının verilməsini təmin etsin.
2. Azərbaycan Respublikasının Mədəniyyət və Turizm Nazirliyi Cabbar Qaryağdıoğlunun həyat və yaradıcılığı haqqında sənədli filmin çəkilməsini təmin etsin.
3. Azərbaycan Milli Elmlər Akademiyası Cabbar Qaryağdıoğlunun həyat və yaradıcılığından bəhs edən kitabın hazırlanması və nəşr edilməsi üçün müvafiq tədbirlər görsün.
4. Azərbaycan Respublikasının Nazirlər Kabineti bu sərəncamdan irəli gələn digər məsələləri həll etsin.
5. Bu sərəncam imzalandığı gündən qüvvəyə minir.

İlham Əliyev,
Azərbaycan Respublikasının Prezidenti

Bakı şəhəri, 16 avqust 2007-ci il

Azərbaycan.-2007.-17 avqust.-S.1.