Musiqi
beşiyində Azərbaycan
musiqisinin qələbəsi
Üzeyir
Hacıbəyli adına Azərbaycan Dövlət Simfonik
Orkestri İtaliyada keçirilən 2 böyük festivalda
iştirak edib. Orkestrin "Vella Festival" və "Classik Ariano" festivallarında
çıxışı avqustun
3-4 tarixlərində baş
tutub. Nəinki baş
tutub, hətta böyük əks-səda
doğurub - konsertdən
sonra orkestrimizin şərəfinə atəşfəşanlıq
keçirilib.
M.Maqomayev adına Azərbaycan Dövlət Filarmoniyasının
direktoru Murad Adıgözəlzadə "www.day.az"
saytına telefonla orkestrin çıxışları
barədə ətraflı
məlumat verib. Rauf Abdullayevin rəhbərlik etdiyi orkestrin birinci çıxışı
İtaliyanın Ariano
İrpino şəhərində
olub. Konsert "Basilica Cattedrale" konsert zalında keçirilib. Musiqi axşamı
unudulmaz maestro M.Rostropoviçin
xatirəsinə həsr
edilib. Ü.Hacıbəyli
adına Azərbaycan Dövlət Simfonik Orkestri və Rostropoviç haqqında giriş sözü ilə Ariano İrpino şəhərinin meri çıxış edib.
Simfonik orkestrimiz Motsart ("Don Covanni" uvertürası),
Şuman ("Fortepiano ilə
orkestr üçün
konsert") və Bethovenin ("Skripka, violonçel və
fortepiano üçün konsert")
əsərlərini ifa
edib. Konsertin solistləri Murad
Adıgözəlzadə və
İtaliyanın tanınmış
musiqiçiləri olublar.
İtaliyalı musiqisevərlər ifaçılarımızın çıxışını ayaq üstə alqışlayıblar. Tamaşaçılar arasında orkestrin İtaliyaya qastrolunun təşəbbüskarlarından biri olan İtaliyanın
Azərbaycandakı səfiri
Gian Luici Mascia və xanımı da olub.
Avqustun 4-də keçirilən konsert isə "Casal Velino Marino, Teatrodel Porto" adlanan dənizkənarı açıq
ərazidə baş tutub. Bu ərazi
Marina di Ascea şəhərində yerləşir.
Zəif küləyin olmasına baxmayaraq, bu konsert də böyük uğurla keçib. Konsertdə
Motsart, Fikrət Əmirov, Çaykovski, Qara Qarayev, Bethoven,
Aqşin Əlizadənin
əsərləri ifa
olunub. Konsert başlamazdan öncə
şəhərin vitse-meri
və İtaliyanın
Azərbaycandakı səfiri
çıxış ediblər.
Orkestrin İtaliyada keçirilən
2 böyük festivalda
iştirakının baş
tutmasında Azərbaycan
Respublikasının mədəniyyət
və turizm naziri Əbülfəs Qarayevin də rolu böyük olub.
Həftə içi.-2007.-7
avqust.-S.8.