Mehdixanlı T.
Muğam sənətinin
yaşı qədimdir. Onun qədrini bilənlər,urvatlı tutanlar da zaman-zaman çox olub. Cabbar Qaryağdıoğlu, Seyid
Şuşinski, Zülfü
Adıgözəlov, Xan
Şuşinski, Sara Qədimova, Şövkət
Ələkbərova, Rübabə
Muradova, Yaqub Məmmədov və başqaları ifa qabiliyyətlərinə, muğamlarımıza
sonsuz sevgiləri olduqlarına görə dərin hörmətlə,
ehtiramla xatırlanıb,
yad olunurlar. Xalqımız müstəqillik
qazandıqdan sonra muğama qayğı, diqqət daha da artıb. YUNESKO-nun və İSESKO-nun xoşməramlı səfiri,
Milli Məclisin deputatı Mehriban xanım Əliyevanın təşəbbüsü ilə
muğam sənətinin
qorunması, yeni ifaçıların seçilməsi
üçün əzəli
el müsabiqələrinin
keçirilməsi qədirbilən
insanlar tərəfindən
alqışlarla qarşılanır.
Müasir muğam ustaları şərəfli
ənənəni uğurla
davam etdirirlər. Onlardan biri də
bu günlərdə
50 yaşı tamam olmuş xalq artisti, "Şöhrət"
ordenli Alim Qasımovdur. O, söhbətimiz
zamanı dedi:
- Sevinc-fərəhimin
həddi-hüdudu yoxdur. Tanrıya şükür edirəm ki, sözə, sənətə, sənətkara
qiymət verilən ölkədə yaşayıram.
Varlığımdan süzülən
bu sözləri çox yerdə demişəm, yenə də təkrar edirəm: Prezident İlham Əliyevin məni "Şöhrət"
ordeni ilə təltif etməsi çəkdiyim zəhmətə,
əziyyətlərə verilən
yüksək dövlət
qiymətidir. Mənim
üçün bundan
böyük nailiyyət
yoxdur. Ulu öndərimiz Heydər Əliyevin siyasi kursunun layiqli davamçısı möhtərəm
Prezident mənə bu ali mükafatı
verməklə bir daha muğama böyük məhəbbəti
olduğunu əyani təsdiqlədi.
Oxumaq, müğənnilik
mənim qismət payımdır. Amma desəm ki, zəhmətimin, əziyyətlərimin
bəhrəsidir, bu daha doğru olar. Elə olub ki, gecələr
səhərə qədər
yatmamışam. Həm
də valideynlərim tərəfindən hədə-qorxuya, təzyiqə məruz qalmışam. Çünki saat, vaxt bilməzdim, elə hey sevdiyim
musiqiyə qulaq asardım. O vaxtlar da texnika indiki
kimi deyildi. Səsi aləmi başına götürərdi.
Bir dəfə gecə yarıdan keçəndə rəhmətlik
Fatma Mehrəliyevanın
ifasında "Kəsmə
şikəstə"ni
dinləyəndə özümdən
asılı olmayaraq, hönkür-hönkür ağladım.
Atam səsimi eşidib yataq otağına gəldi. İşığı
yandırdı, üzümə
elə baxdı, qorxudan bağrım dağlandı. Etiraf edirəm, orta məktəbdə oxuyanda müəllimlərimdən daha
çox aşıq Şakirin, Əbülfət
Əliyevin, Qulu Əsgərovun, Süleyman
Abdullayevin, Ağabala Abdullayevin lent yazılarını dinləyərdim.
Sanki havalanardım, quş olub uçmaq
istəyərdim. Məni
o vəziyyətdə,
ovqatda görənlər
elə bilirdilər ki, ağlımı itirmişəm. Məni dəli-divanə edərdi rəhmətlik Yaqub Məmmədovun "Mənsuriyyə"si. Bu havanı dinləyəndə gözümün
qarşısında nurani,
pirani, müqəddəs
bir varlıq canlanardı. Baxışlarıyla
ardınca getməyə
işarə edərdiE
Bir dəfə də anam bərk
qəzəbləndi: "Yığışdır
o maqnitofonu, kaseti, gəl əyləş adam kimi çörəyini ye"- dedi. O yönünü çevirən
kimi Xan əmimin ifaları yazılmış kaseti götürüb öpdümE
Nəhayət, bəxtim
bələdçim oldu.
Gəldim Bakıya. Elə hey zil,
ahəstə səslə
oxumaq istəyirdim. Amma belə bir ünvan tanımırdım. Yol göstərənim də
yox idi. Axır ki, xeyirxah
tapıldı. Onun məsləhəti ilə
Asəf Zeynallı adına Musiqi Məktəbinə qəbul
oldum. Unudulmaz tarzənlər Bəhram Mansurovdan, Hacı Məmmədovdan dərs aldım. Birinci kursda məktəbimizdə
keçirilən müsabiqədə
ifalarıma görə
birinci yer tutdum. Xalq artisti,
mehriban, səmimi insan, mahir müğənni
Əlibaba Məmmədov
doğması kimi məni sinəsinə sıxdı, alnımdan öpdü. "Sənin gələcək uğurlarına
inanıram" - dedi.
Ustadların hər birinin təbriklərindən
, sənətə həvəsimdən,
inamımdan təskinlik
tapdım, sevindim, amma arxayınlaşmadım.
Gecə-gündüz,
vaxt-bivaxt məşq etdim, bilmədiyimi soruşdum, öyrəndim.
Gəlib çatdım
sənətin şöhrət
zirvəsinə, yaşımın
bu vədəsinə.
Şükürlər olsun,
arzularım üzümə
gülüb. Qızım
Fərqanə ürəyim
istəyən tərəfmüqabilimdir.
Onun zildən oxumasını eşidəndə
kövrəlirəm. Dörd
övlad anasıdır.
Muğamı, xalq mahnılarını da balaları qədər sevir. Yaxın günlərdə ata-bala gedirik Fransaya, sonra Amerikaya. Allah işimizi avand eləsinE
Bayramlarda sənət
korifeyləri Üzeyir
bəyin, Bülbülün,
Rauf Hacıyevin, Cahangir Cahangirovun, Xan əminin, Əbülfət Əliyevin,
aşıq Şakirin
və başqalarının
məzarlarını ziyarət
edirəm. Hər dəfə "Segah",
"Çahargah", "Rast", "Zabul" oxuyanda üzümü ənginliklərə tuturam.
Bu, mənim Tanrıya minnətdarlığımın
əlamətidir. Yaradanımızın
qismətindən heç
vaxt artıq niyyətə düşməmişəm.
Dünyanın əksər
ölkələrində müxtəlif
konsert proqramları ilə çıxış
etmişəm. Heç zaman
şərəf, şöhrət
güdməmişəm, azərbaycanlı
olmağımdan qürur
hissi duymuşam, millətimizin adını
uca tutmuşam, bundan sonra da
bu amalla yaşayacağamE
Xalq artisti, neçə-neçə
beynəlxalq mükafatlar
laureatı, müsabiqələr
qalibi Alim Qasımovun ünvanına
ad günü, "Şöhrət" ordeni
ilə təltif olunması münasibətilə gələn
teleqramların ardı-arası kəsilmir. Biz də sevimli sənətkarı təbrik
edir, ona daha artıq yaradıcılıq uğurları,
cansağlığı arzulayırıq.
İnanırıq ki,
o, bundan sonra da sehrli
səsi ilə, bənzərsiz ifa qabiliyyəti ilə musiqi sənətimizi dünyada tanıtdıracaq,
özü də daim şöhrət zirvəsində olacaqdır.
Azərbaycan.-2007.-17
avqust.-S.6.